Tags-Gham

shām-e-ġham tere tasavvur hī se āñkhoñ meñ charāġh
varna mere ghar meñ ho aur raushnī tere baġhair

de ga.ī dhokā magar shā.istagī-e-ġham mirī
aa rahā hai dil pe ilzām-e-ḳhushī tere baġhair

dil kī shādābī kī zāmin hai tū hī ai yād-e-dost
aa na paa.ī ġham ke phūloñ meñ namī tere baġhair

uThne ko ranj-o-ġham ke bagūle haiñ dhuup meñ
sahrā-e-chashm meñ na banā rahguzar abhī

tirā kyā kaam ab dil meñ ġham-e-jānāna aatā hai
nikal ai sabr is ghar se ki sāhib-ḳhāna aatā hai

zamāne-bhar ke ġham apnā liye haiñ ḳhud-farebī meñ
ḳhud apne ġham se milne kī hameñ fursat nahīñ hotī

ik rāz-e-ġham-e-dil jab ḳhud rah na sakā dil tak
hone do ye rusvā.ī tum tak ho ki mahfil tak

ham ne to koī baat nikālī nahīñ ġham kī
vo zūd-pashemān pashemān sā kyuuñ hai

ġham kī baḌhtī huī yūrish se na ghabrā 'āmir'
ġham bhī ik manzil-e-rāhat kā nishāñ hotā hai

koī ġham-āgīñ naġhma chheḌe koī 'mīr' ke sher paḌhe
kam kam dard kī kaliyāñ mahkeñ pal pal ġham kī raat Dhale

yuuñ nashe se kabhī do chaar tirā ġham ho ki maiñ
band āñkhoñ se khulī aañkh kā manzar dekhūñ

fāsle kab kisī insān ko raas aa.e haiñ
tum jo bichhḌe ho to kis tarah na ġham ho mujh ko

use duniyā ke har ġham se mukammal paak to kar lo
agar is dil meñ buniyād-e-ġham-e-shabbīr rakhnī hai

gulshan kī faqat phūloñ se nahīñ kāñToñ se bhī zīnat hotī hai
jiine ke liye is duniyā meñ ġham kī bhī zarūrat hotī hai

rotā hai dil siyāsat-e-ahd-e-jadīd par
jab dekhtā huuñ ġham se pareshāñ bashar ko maiñ

'rahbar' nashāt-o-aish kī manzil qarīb hai
tai kar chukā huuñ ġham kī har ik rahguzar ko maiñ

mujhe hashr kar diyā baiThnā mujhe qahr ho gayā Thaharnā
hai basān-e-sabr gurez-pā nahīñ ġham-gusār mirā qalaq

nahīñ chain un ko bhī ek dam ki hai fikr-e-jaur kā ġham sā ġham
hue mujh pe roz na.e sitam rahā un ko roz nayā qalaq

ġham se akasr dil murda ho jaate haiñ
chehre pe be-nūrī paidā hotī hai

rone kā na le naam ġham-e-yār meñ ai 'bahr'
ulTe na zamāne kā varaq lab kī tarī se