Tags-Dil

hai jo pesh-e-nazar pare us se
manzar ik aur dilrubā hai bahut

dil ke ġhurfoñ meñ soī sadāo!
uTho! sūr-e-ādam uThāo

naved-e-rustagārī par abas dil-shād hotā hai
abhī sad daam ai bulbul-e-qafas se āshiyāñ tak hai

zamāna chāhiye takmīl-e-zauq-e-lazzat-e-ġham ko
abhī duniyā-e-dil mahdūd zikr-e-īñ-o-āñ tak hai

ruk jā hujūm-e-gul ki abhī hausla nahīñ
dil se ḳhayāl-e-tañgī-e-dāmāñ gayā nahīñ

har āstāñ pe likhkhā hai ab nām-e-shahr-yār
vābistagān-e-dil kai liye koī jā nahīñ

mujhe nafrat nahīñ jannat se lekin
gunāhoñ meñ ajab ik dilkashī hai

muñh-bolā bol jagat kā hai jo man meñ rahe so apnā hai
ye dil kā mīThā mīThā dard bhī gūñge kā sā sapnā hai

ab dil kī taḌap meñ jīvan hai jīvan meñ taḌap hai bijlī kī
ab dil ko sadā hī dhḌaknā hai 'farhat' ko sadā hī taḌapnā hai

nazar hairāñ tabī.at hai zarā ranjīda ranjīda
huā dil hai kisī kā mubtalā poshīda poshīda

Thahar jaa.e na ghabrā kar kahīñ ye qāfila dil kā
mirī jānib nazar phir se uThā duzdīda duzdīda

fasurda-dil hai nazroñ kī pareshānī nahīñ jaatī
ki ab tasvīr merī mujh se pahchānī nahīñ jaatī

ġhulāmī ne tumhārī vo atā kī hai mujhe azmat
ki shāhī meñ bhī dil se ḳhū-e-darbānī nahīñ jaatī

zaḳhm-e-dil tujh se maiñ chhupā.ūñ kyā
dard sah kar bhī muskurā.ūñ kyā

aish-o-ishrat ke vāste ai dil
daav īmān kā lagā.ūñ kyā

na ḳhudā hī milā na visāl-e-sanam na idhar ke hue na udhar ke hue
rahe dil meñ hamāre ye rañj-o-alam na idhar ke hue na udhar ke hue

umr guzrī 'sahar' mohabbat meñ
ham ne dil kuchh ajiib paayā thā

vo jis ke vāste phūloñ kā ehtimām huā
fazā-e-dil se vahī be-ḳhabar banā huā hai

mile jo koī mujhe dil churāne lag jaa.e
tamām shahar tirā jādūgar banā huā hai

ajiib baat hai dil bhī vahīñ pe TuuTe haiñ
har ek shaḳhs jahāñ kārīgar banā huā hai