Tags-Dil

kyā pūchhte ho hāl-e-dil-e-be-qarār aaj
jo kal thī hai vo gardish-e-lail-o-nahār aaj

us paikar-e-jafā ko na kos ai dil-e-hazīñ
terī tarah hai vo bhī bahut be-qarār aaj

us ne likhā hai bahr-ayādat kal ā.eñge
jiine bhī degā mujh ko dil-e-be-qarār aaj

mere liye kahīñ bhī jahāñ meñ sukūñ nahīñ
le kar kahāñ chalā hai dil-e-be-qarār aaj

mausam ne āvāz lagā.ī ḳhushbū ko
titlī kā dil phūloñ kī imlāk huā

dil-e-pur-dāġh kī tārīkiyoñ par saḳht hairat hai
ye vo matl.a hai jis ko matla-e-anvār honā thā

ghir jaatā hai dil dard kī har band galī meñ
chāho ki nikal jaa.eñ to rasta nahīñ hotā

kyā us se gila kījiye barbādī-e-dil kā
ham se bhī to iz.hār-e-tamannā nahīñ hotā

tujh se kahnā thā hāl-e-dil lekin
tū bhī ai dost aa.inā niklā

naaz se chhātī par us ne paañv jis dam rakh diyā
dil huā ThanDā kaleja haath bhar kā ho gayā

ham ne paalā muddatoñ pahlū meñ ham koī nahīñ
tum ne dekhā ik nazar se dil tumhārā ho gayā

kahne ko majzūb ham haiñ dil meñ goyā aur hai
nek-o-bad jo kuchh hamāre muñh se niklā ho gayā

halkī sī ḳhalish dil meñ nigāhoñ meñ udāsī
shāyad yūñhī hotī hai mohabbat kī shurūāt

apne andar kī ḳhalish kā kar liyā maiñ ne ilaaj
mere dil meñ dūsroñ kā dard paivasta rahā

jahāñ pe sūraj chamak rahā hai vahīñ pe zulmat baras rahī hai
maiñ kyuuñ na zulmat se pyaar kar luuñ ki dil-nashīñ raushnī nahīñ hai

na.e ujāle udaas rūheñ na.e savere bujhe hue haiñ
ye ek dhokā hai raushnī kā dil-e-hazīñ raushnī nahīñ hai

ḳhāmosh muhīb raat kā
dil dhaḌaktā hai

sunsān saḌak sannāTe aur lambe saa.e
ye saarī fazā ai dil tere matlab kī hai

na hogā tai ye safar sirf raushan āñkhoñ se
charāġh-e-dil bhī jalā duur tak añdherā hai

kyā baat thī ki jo bhī sunā an-sunā huā
dil ke nagar meñ shor thā kaisā machā huā