Tags-Dil

dil pe jab mere aa ke ye Thahrā
ki mujhe ḳhush-dilī aziyyat hai

gaah nālāñ tapāñ gahe be-dam
dil kī mere ajab hī hālat hai

bayān kis se karūñ apnī tīra-baḳhtī kā
añdherī rāteñ vo ai dil phir ā.iyāñ dekhīñ

kuchh ham girift-e-gardish-e-daurāñ meñ aa ga.e
kuchh dil bhī tere ishq meñ sābit-qadam na thā

vo daur-e-ishq mahz bhī kiyā vaqt thā 'azīm'
jab dil pe naqsh mohr-o-nishān-e-sitam na thā

ham kabhī chashm-e-zamāna meñ na pinhāñ hoñge
ham har ik daur meñ har dil meñ numāyāñ hoñge

dard ban kar nafas-e-jāñ meñ samā jā.eñge
soz ban kar haram-e-dil meñ farozāñ hoñge

na falak hogā na ye kūcha-e-qātil hogā
mire kahne meñ kisī din jo mirā dil hogā

jab numāyāñ vo savār-e-rah-e-manzil hogā
na to maiñ aap meñ hūñgā na mirā dil hogā

aadhī raat aa ga.ī bas bas dil-e-betāb sambhal
ham samajhte haiñ jo is karb kā hāsil hogā

ruḳhsat ai vahshat-e-tanhā.ī-o-ġhurbat ruḳhsat
ḳhauf hī kyā hai jo hamrāh mire dil hogā

kaisā pyaar kahāñ kī ulfat ishq kī baat to jaane do
mere liye ab us ke dil se hamdardī bhī ḳhatm huī

hamārā dil to hamesha se ik jagah par hai
tumhārā dard hī rasta bhaTak gayā hogā

bhīñchte rahte haiñ dar-o-dīvār
aur dil se makāñ nahīñ uThtā

ab bhī raushan hai tire dil meñ mohabbat kā diyā
raat phir sham-e-yaqīñ-sāz jalāne meñ kaTī

tire husn ne ye ġhazab kiyā ki har ahl-e-dil huā mubtalā
jise dekhā terā hī said thā na koī bachā tire daam se

mire dilrubā mire dilrubā na ye lutf hai na koī atā
agar aanā hai to phir aa bhī jā na yuuñ jhāñk rauzan-e-bām se

kyā ḳhaak kahūñ matlab-e-dildār ke aage
so aur sunā.egā vo aġhyār ke aage

bolā thā jo āġhāz-e-mohabbat meñ baḌā bol
aayā vahī āḳhir dil-e-bīmār ke aage

ahl-e-mahfil ġhaur se sunte raheñ rūdād-e-dil
kyā ḳhabar kis lafz ko kab dāstāñ karnā paḌe