aahaT jo sunā.ī dī hai hijr kī shab kī hai
ye raa.e akelī merī nahīñ hai sab kī hai
sunsān saḌak sannāTe aur lambe saa.e
ye saarī fazā ai dil tere matlab kī hai
tirī diid se āñkheñ jī bhar ke sairāb huiiñ
kis roz huā thā aisā baat ye kab kī hai
tujhe bhuul gayā kabhī yaad nahīñ kartā tujh ko
jo baat bahut pahle karnī thī ab kī hai
mire sūraj aa! mire jism pe apnā saaya kar
baḌī tez havā hai sardī aaj ġhazab kī hai