Tags-Dil

manzil hai to ik rasta-e-dushvār meñ gum hai
rasta hai to pech-o-ḳham-e-dildār meñ gum hai

jis diin se miltā thā ḳhudā ḳhāna-e-dil meñ
mullā ke sajā.e hue bāzār meñ gum hai

kisī ke dil ke taḳht pe birājmān the
to kyā kisī nazar meñ gir haqīr ho ga.e

vo ajnabī nigāh dil ko taar kar ga.ī
gurez-pā visāl dil meñ tiir ho ga.e

chalo maan leñ ye donoñ koī shai hai maslahat bhī
na sitam kā dil dukhegā na vafā malūl hogī

tirī bazm-e-tarab meñ aa gayā huuñ
magar dil ko sukūñ hāsil nahīñ hai

vo to ḳhushbū hai har ik samt bikharnā hai use
dil ko kyuuñ zid hai ki āġhosh meñ bharnā hai use

ye to hai ḳhūn-e-jigar chāhiye lekin ai dil
sher kahne kī ri.āyat bhī chalī jaa.e agar

dil ke malbe meñ tamannā ne ye hasrat se kahā
kyā ho ta.amīr kī hasrat bhī chalī jaa.e agar

aise insāñ se kabhī ummīd kyā rakhe koī
dekhne meñ aadmī hai dil magar patthar kā hai

āñsuoñ se tū hai ḳhālī dard se aarī huuñ maiñ
terī āñkheñ kāñch kī haiñ merā dil patthar kā hai

tamām anjān kūche galiyāñ tamām kāñTe tamām chhuriyāñ
kisī tarah apnā dil sambhāle bachā ke dāman guzar ga.ī vo

kisī se qaul-o-qarār thā kyā ki va.adoñ kā e.atibār thā kyā
jahāñ koī surḳh joḌā dekhā to dil ko thāme Thahar ga.ī vo

isī ḳhayāl meñ jis vaqt niiñd aatī hai
mire lahū meñ mirī saañs meñ mire dil meñ

tere aane se yū ḳhushī hai dil
juuñ ki bulbul bahār kī ḳhātir

bhuul kar bhī koī harf-e-dil-shikan lab par na lā
haq to ye hai dūsre ke dil ko apnā dil samajh

bāġh-e-ālam kī bahāreñ sab ḳhizāñ-anjām haiñ
aish-sāmānī ko vaj.h-e-ḳhastagī-e-dil samajh

kyuuñ kisī begāna-vash par dil fidā kartā hai tū
ai 'rishī' kuchh hosh meñ aa apne dil ko dil samajh

un se dil milte hī furqat kī balā bhī aa.ī
jaan aane bhī na paa.ī ki qazā bhī aa.ī

dil hī ḳhasta na huā lashkar-e-ġham ke hāthoñ
balki is ma.arke meñ kaam duā bhī aa.ī