Tags-Dil

mujh ko dil qismat ne us ko husn-e-ġhārat-gar diyā
chuur kar de kyuuñ na vo shīsha jise patthar diyā

jis meñ kaif-e-ġham nahīñ baaz aa.e aise dil se ham
ye bhī duniyā hai koī mai to na dī sāġhar diyā

'ārzū' ik roz Dhā detā mujhe merā hī zor
ye bhī us kī kārsāzī dil meñ jis ne Dar diyā

bas ik nigāh pe hai dil kā faisla mauqūf
bas ik nigāh meñ qissa tamām hotā hai

dil-e-fasurda ko ab tāqat-e-qarār nahīñ
nigāh-e-shauq ko ab tāb-e-intizār nahīñ

bas ki fa.ālummā-yurīd hai aaj
har silah shor englistāñ kā

kabhī kabhī dil ye sochtā hai
na jaane ham be-yaqīn logoñ ko nām-e-haidar se rabt kyuuñ hai

dil meñ dukh āñkhoñ meñ namī āsmāñ par ghaTā.eñ
andar bāhar is or us or har or bādal

sañg o aahan to bane ā.īne un kī ḳhātir
dil na ā.īna banā saḳht ye hairānī hai

faisla dil kā mohabbat meñ hai rahbar apnā
fikr kiyā manzil-e-jānāñ agar anjānī hai

vo kareñ yā na kareñ apnī jafā se tauba
mere dil ko magar ehsās-e-peshemānī hai

kaash sotā hī rahūñ maiñ ki nahīñ chāhtā dil
har sahar uTh ke ruḳh-e-gabr-o-musalmāñ dekhūñ

ik nazar dekhā thā us ne 'sāhir'
gaḌ.h liye dil ne fasāne kitne

hamāre aage tirā jab kisū ne naam liyā
dil-e-sitam-zada ko ham ne thaam thaam liyā

ai 'mehr' tab-e-barq ne betāb dil kiyā
mazmūñ chamak-damak ke qavāfī balā ke haiñ

lete the allāh naam jo japte the dil meñ raam jo
tum ne kiyā sab kā bhalā hazrat nizāmuddīn-jī

firāq mausam kī chilmanoñ se visāl lamhe chamak uTheñge
udaas shāmoñ meñ kāġhaz-e-dil pe guzre vaqtoñ ke baab likhnā

ishq tak apnī dastaras bhī nahīñ
aur dil mā.il-e-havas bhī nahīñ

kasak dil meñ phir chārāgar ho ga.ī
jo taskīñ pahar dopahar ho ga.ī

lagāte haiñ dil us se ab haar jiit
idhar ho ga.ī yā udhar ho ga.ī