Tags-Dil

ā.īna-o-dil donoñ kahne hī kī bāteñ thiiñ
terī hī tajallī thī aur tū hī muqābil thā

kuchh na pūchho rū-ba-rū jā kar kisī ke kyā huā
TikTikī bañdhne na paa.ī thī ki dil chaltā huā

le ga.ī dil ko kisī kī ik nigāh-e-avvalīñ
maiñ kisī ke husn par yak-bārgī shaidā huā

raah kyā sūjhe mujhe duniyā mirī tārīk hai
hai kisī zulf-e-siyah meñ dil mirā uljhā huā

mujh ko samjhāyā nahīñ nāseh udhar mat jā.iyo
phir kahoge ''luT ga.e ham, dil hamārā kyā huā''

aaj ruuh aur dil ek zulm se ḳhajil
yaar aadmī se mil sarhadeñ utaar kar

kabhī dekhā ki dil kaise sikuḌtā hai zarūrat par
kabhī duniyā ko paisoñ kī farāvānī se pahchānā

ham ahl-e-dil kā zamāna hī saath de na sakā
hameñ bhī dukh hai ki ham is safar meñ tanhā haiñ

khul chukā haañ khul chukā dil par tirā rañgīñ fareb
de na dhokā ai tilism-e-hasti-e-fānī mujhe

jāgtī āñkhoñ ke sapne dil-nashīñ to the magar
mere har ik ḳhvāb kī ta.abīr haibatnāk thī

dil-e-muztar mujhe ik baat batā saktā hai
tū kisī taur mujhe chhoḌ ke jā saktā hai

apnī marzī se mujhe chhoḌ ke jaane vaalā
mirī yādoñ ko kabhī dil se miTā saktā hai

idhar ye dil hai ki us ko bas ik junūñ kī dhun hai junūñ kī dhun hai
udhar hamārā ye azm-e-paiham ki zulf-e-gītī sañvār aa.eñ

vo dil meñ aur qarīb-e-rag-e-gulū bhī mile
zarā sā lutf magar ham se rū-ba-rū bhī mile

jo milā toḌtā gayā us ko
dil lagā thā mirā hazāroñ se

har aarzū fareb hai har justujū sarāb
machle jo dil bahut use samjhā diyā karo

qarār dil ko mayassar nahīñ kahīñ jaao
nazar-farebi-e-husn-o-jamāl hī kyā hai

zindagānī kā mazā kyā kyā nahīñ dikhlā gayā
is mire dil ke makāñ meñ chhup ke aanā yaar kā

kījiye nazr-e-butāñ ab shauq se īmān-o-dil
kyā pahannā sahl samjhā aap ne zunnār kā