Tags-Dil

kisī ke dast-e-ināyat ne kunj-e-zindāñ meñ
kiyā hai aaj ajab dil-navāz band-o-bast

dil meñ jo dard hai raah kī gard hai jhaaḌ de jo use vo baḌā mard hai
dekh le zindagī garm hai sard hai chhoḌ shikva-gila tū use bhuul jā

maiñ basātā thā us ke dil meñ ghar
aur qismat meñ be-gharī thī abhī

kyuuñ na karte ham us kī dildārī
us meñ kuchh ḳhū-e-dilbarī thī abhī

āñkheñ lahūluhān kiiñ dāman bhī tar kiyā
terī har ek baat ne dil par asar kiyā

ye bhī sach hai ki mujhe dil se bhulāyā hogā
ye bhī sach hai ki kabhī chain na paayā hogā

ġhair hī se sahī paiham ye kudūrat kyuuñ ho
kahīñ ā.īna-e-dil par na ġhubār aa jaa.e

fareb-e-ārzū kī sahl-añgārī nahīñ jaatī
ham apne dil kī dhaḌkan ko tirī āvāz-e-pā samjhe

dil ne imdād kabhī hasb-e-zarūrat nahīñ dī
dasht meñ aql na dī shahr meñ vahshat nahīñ dī

ahl-e-dil ne kabhī maḳhlūt hukūmat na banā.ī
aql vāloñ ne bhī be-shart himāyat nahīñ dī

nazar se chhup ke bhī vo dil ke paas rahte haiñ
maiñ tum se duur nahīñ huuñ vo ham se kahte haiñ

jab zikr chhiḌegā kahīñ arbāb-e-vafā kā
apne dil-e-marhūm ko ham yaad kareñge

dil apnā hai dil par to nahīñ zor kisī kā
ka.abe meñ bhī ham tujh ko sanam yaad kareñge

ishq mehnat kā sila had se sivā māñgtā hai
dil vo mazdūr hai ujrat meñ vafā māñgtā hai

mujhe gum-shuda dil kā ġham hai to ye hai
ki is meñ bharī thī mohabbat kisī kī

un kā tasavvur jhūTe va.ade yaad kā saaya dil kī bastī
ek saperā naT-khaT bachche baḌ ke peḌ tale mele meñ

daaġh siiñ kyuuñ na dil ujālā ho
chashm kī raushnī siyāhī hai

jin ḳhaak ke zarroñ par vo sāya-e-mahmil thā
jo ḳhaak kā zarra thā vahshat-kada-e-dil thā

bedād kī har tah meñ sau tarah se shāmil thā
vo jaan kā dushman jo kahne ko mirā dil thā

ġham husn-e-mukammal thā dil hairat-e-kāmil thā
tasvīr kā ā.īna tasvīr ke qābil thā