Tags-Dil

nahīñ mumkin hamāre dil kī ātish kā bujhā saknā
kare gar abr-e-tūfāñ-ḳhez kuuñ aa kar kumak dariyā

ik soz-e-fusūñ gar hai tirī aañkh meñ pinhāñ
hai dil ke liye shauq kā fitrāk nazar meñ

kuchh aur kahāñ chāhiye is dil ko ki ab hai
dariyā-e-ġham-e-ishq kā pairāk nazar meñ

ye ḳhvāb hai sayyād kā yā ik dil-e-vahshī
ubhrā hai koī tā.ir-e-chālāk nazar meñ

dil ke dariyā ko kisī roz utar jaanā hai
itnā be-samt na chal lauT ke ghar jaanā hai

bol ai shām-e-safar rañg-e-rihā.ī kyā hai
dil ko ruknā hai ki tāroñ ko Thahar jaanā hai

vo tire husn kā jaadū ho ki merā ġham-e-dil
har musāfir ko kisī ghaaT utar jaanā hai

dil se thī ummīd ḳhvāhish ke safar par saath de
par ye shāhīñ bhī shikasta-par nazar aayā mujhe

mujhe yaqīñ hai ki kuchh bhī chhupā nahīñ un se
unheñ ye zid ki dil-e-mubtalā kā haal kahūñ

tū be-misāl sahī phir bhī dil ko hai isrār
adā adā ko tirī ālam-e-misāl kahūñ

tumhāre jalvoñ kī raushnī meñ nazar kī hairāniyāñ musallam
magar kisī ne nazar ke badle jo dil āzmāyā to kyā karoge

kuchh apne dil par bhī zaḳhm khaao mire lahū kī bahār kab tak
mujhe sahārā banāne vaalo maiñ laḌkhaḌāyā to kyā karoge

abhī to dāman chhuḌā rahe ho bigaḌ ke 'qābil' se jā rahe ho
magar kabhī dil kī dhaḌkanoñ meñ sharīk paayā to kyā karoge

dil meñ kiyā hai daavā añkhiyāñ huī haiñ munkir
terī kamar kā jhagḌā in do ke darmiyāñ hai

piirī siiñ qad kamāñ hai har-chand 'ābrū' kā
is naujavāñ kī ḳhātir dil ab talak kashāñ hai

jaan chorī ga.ī nuqsān huā dil ke sabab
dosh diije kise ye bhedī to ghar kā niklā

teġh-e-qātil kī zabāñ chāñTe hai saan aaj talak
na maza dil se mire ḳhūn-e-jigar kā niklā

phir rahā Dar tujhe kis baat kā ai 'aish' batā
dil se dhaḌkā jo tire naf-o-zarar kā niklā

yuuñ duur duur dil se ho ho ke dil-nashīñ bhī
haiñ to isī jahāñ meñ milte nahīñ kahīñ bhī

tūfān-e-bahr ḳhud haiñ baḌhtī umañgeñ dil kī
kashtī qarār legī ho kar na tah-nashīñ bhī