Tags-Dil

dil-e-rah-rav meñ haiñ kuchh aur ḳhatre
ḳhayāl-e-dūrī-e-manzil nahīñ hai

ye dil be-mehr bhī hai bevafā bhī
nahīñ ye dil to merā dil nahīñ hai

ye hai marhūm ummīdoñ kā madfan
kabhī dil thā magar ab dil nahīñ hai

samjhāne vāloñ ne kitnā un ko samjhāyā logo
phir bhī dhokā dil vāloñ ne hir-phir kar khāyā logo

fāsle kī aur vaqt duurī dil kā qurb miTā na sakā
kaisā kaisā pyārā chehra dhyān meñ dhundlāyā logo

jaao na dil se manzar-e-tan meñ hai jā yahī
pachhtāoge uThoge agar is makāñ se tum

mere dil par khol kitāboñ ke asrār
merī aañkh ko apnī saaf nishānī de

arz o samā ke pas-manzar se sāmne aa
dil ko yaqīñ de āñkhoñ ko hairānī de

laakh chāhā hai magar ye dil-e-vahshī duniyā
tere hāthoñ kā khilaunā nahīñ hone paatā

qais kā tujh meñ junūñ jazba-e-mansūr nahīñ
varna manzil-gah-e-dildār to kuchh duur nahīñ

koh-o-vādī vahī bijlī vahī be-hoshī bhī
jalva lekin vo dil-afroz sar-e-tūr nahīñ

DhūñDne jā.ūñ kise jā.ūñ to maiñ jā.ūñ kahāñ
dil ke jo paas hai vo aañkh bhī kuchh duur nahīñ

dil lahū kar ke ye qismat Thahre
sañg fankār kī ujrat Thahre

dhundlā ga.e the naqsh-e-mohabbat kuchh is tarah
pahchāntī thī aañkh to dil māntā na thā

tum paas the tumheñ to huī hogī kuchh ḳhabar
itnā to apnā shīsha-e-dil be-sadā na thā

kyā kyā frāġhateñ thiiñ 'tabassum' hameñ ki jab
dil par kisī kī yaad kā saaya paḌā na thā

mai-kade ko jā ke dekh aa.uuñ ye hasrat dil meñ hai
zāhid us miTTī kī ulfat merī āb-o-gil meñ hai

hājat-e-sham.a kyā hai turbat par
ham ki dil sā charāġh rakhte haiñ

naqd-e-dil-e-ḳhālis kuuñ mirī qalb tuuñ mat jaan
hai tujh kuuñ agar shub.h to kas dekh tapā dekh

nahīñ haiñ ye hubāb aate haiñ jo nazroñ meñ mardum kī
jalan mujh ashk kī siiñ dil meñ rakhtā hai phalak dariyā