Tags-Dil

dil jale kūcha-e-jānāñ ke fusūñ-zīnoñ par
abr aatā thā to mehmān huā karte the

ḳhudā mahfūz rakkhe fasl-e-dil ko
kahīñ sūkhā kahīñ paanī bahut hai

mirī mohabbat ke aa.ine se tum apnī āñkheñ churā rahī ho
magar mire dil ko chupke chupke churā rahī haiñ tumhārī āñkheñ

maiñ dil ke kāġhaz pe jis ġhazal ko likhe hue huuñ na jaane kab se
mujhe lagā hai vahī ġhazal gungunā rahī haiñ tumhārī āñkheñ

jañgal ke biich vahshat ghar meñ jafā o kulfat
ai dil batā ki tere maare ham ab kidhar jaañ

jhaTak kar dil se saare lobh lālach
yahāñ ban-bās meñ behtar rahā huuñ

be-sar-o-bargoñ ko kyā nisbat hai sair-e-bāġh se
dāġh-e-dil haiñ ham tahī-dastān-e-pā dar-gil ke gul

zaḳhm-e-dil par bahār dekhā hai
kyā ajab lāla-zār dekhā hai

dahlīz par mirī koī aayā hai barsoñ ba.ad
halchal sī dil meñ koī to laayā hai barsoñ ba.ad

armān dil meñ mere na.e jāgne lage
āñgan ko chāñdnī ne sajāyā hai barsoñ ba.ad

phir shāḳh-e-dil pe gul na.e ummīd ke khile
mausam bahār-e-tāza kā aayā hai barsoñ ba.ad

kulfat-e-afsurdagī ko aish-e-betābī harām
varna dandāñ dar dil afshurdan binā-e-ḳhanda hai

shorish-e-bātin ke haiñ ahbāb munkir varna yaañ
dil muhīt-e-girya o lab āshnā-e-ḳhanda hai

ḳhud-faroshī-hā-e-hastī bas-ki jā-e-ḳhanda hai
har shikast-e-qīmat-e-dil meñ sadā-e-ḳhanda hai

jaanā jaanā jaldī kyā hai in bātoñ ko jaane do
Thahro Thahro dil to Thahre mujh ko hosh meñ aane do

tere palaT aane se dil ko aur ik sadma huā
vo naqsh ab baaqī kahāñ jo thā terā chhoḌā huā

jaa.e thī terī mire dil meñ so hai
ġhair se kyuuñ shikva-e-bejā kiyā

baiTh kar paas na armān-bharā dil dekhā
ik nazar duur se hī us ne ba-mushkil dekhā

jaan māñgī thī kahā ham ne ki tum par hai nisār
us pe kahte ho ki bas jā bhī tirā dil dekhā

shaan allāh kī gulshan meñ nazar aa.ī hameñ
kabhī ġhunche pe nazar Daalī kabhī dil dekhā