Tags-Dil

bharī mahfil meñ tanhā.ī kā aalam DhūñD letā hai
jo aa.e raas dil aksar vo mausam DhūñD letā hai

kisī lamhe akelā-pan agar mahsūs ho dil ko
ḳhayāl-e-yār ke dāman se kuchh ġham DhūñD letā hai

kisī rut se rahe mashrūt kab haiñ roz-o-shab mere
jahāñ jaisā ye chāhe dil vo mausam DhūñD letā hai

ġham-e-furqat kā dil ko bojh karnā ho agar halkā
sunāne ko tire qisse ye hamdam DhūñD letā hai

jaane kaise nashe meñ hai dil bhī
aaj us ne sharāb dekhā hai

dil meñ tīr-e-ishq hai aur farq par shamshīr-e-ishq
kyā batā.eñ paḌ ga.ī hai paañv meñ zanjīr-e-ishq

baat karne se bhī nafrat ho ga.ī dildār ko
vāh-re iz.hār-e-ulfat vāh-re tāsīr-e-ishq

hurūf arz talab kī sūrat guzarte lamhoñ kā ḳhvāb likhnā
hamārī āñkhoñ ke sāmne hī hamāre dil kī kitāb likhnā

maiñ is ko phone karūñ aur vo kahe jī kaun
ye dil kī zid hai ki faurī kahūñ tumhāre dost

ye āshiqī hai jo kartī hai dil ko dariyā bhī
phir is ke ba.ad dikhā.egī do kināre dost

girya to aksar rahā paiham rahā
phir bhī dil ke bojh se kuchh kam rahā

zehn ne kyā kuchh na koshish kī magar
dil kī gahrā.ī meñ ik aadam rahā

ho āshiq-e-ḳhūnīñ-jigar jiyūñ laala is gulzār meñ
khā dil pe dāġh-e-āshiqī gul-posh ho gul-posh ho

tujh kuuñ agar hai aarzū us ḳhush-adā ke vasl kī
ai dil sarāpā shauq meñ āġhosh ho āġhosh ho

majlis meñ ġham kī ai 'sirāj' ab vaqt aayā daur kā
gar ḳhūn-e-dil maujūd hai mai-nosh ho mai-nosh ho

na vo mire dil se bā-ḳhabar the na un ko ehsās-e-ārzū thā
magar nizām-e-vafā thā qaa.em kushūd-e-rāz-e-nihāñ se pahle

qasam fareb-e-nigāh-o-dil kī hameñ to us justujū ne khoyā
vahīñ thī dar-asl apnī manzil qadam uThe the jahāñ se pahle

faqat yahī hai aarzū tū mil kahīñ to rū-ba-rū
ye dil tire firāq meñ kahīñ sambhal nahīñ rahā

jā lagegī kashtī-e-dil sāhil-e-ummīd par
dīda-e-tar se agar dariyā ravāñ ho jā.egā

dil kī dhaḌkanoñ se ik dāstāñ banānā hai
aap kī nigāhoñ ko ham-zabāñ banānā hai