Tags-Dil

dil nigāh-e-nāz ke uThne se pahle uTh gayā
mere ehsāsāt kī raftār kitnī tez hai

aañkh meñ aañsū jigar meñ dard dil meñ iztirāb
aah zabt-e-āh bhī kitnā talātum-ḳhez hai

sher-dil-ḳhāñ
maiñ ne dekhe tiis saal

dil-e-be-mudda.ā hai aur maiñ huuñ
magar lab par duā hai aur maiñ huuñ

aap ke saath bas ik shaam bitāne ke liye
daav pe dil kī lagā Daalī hai jāgīr talak

ai mire zaḳhm-e-dil-navāz ġham ko ḳhushī banā.e jā
ā.ankhoñ se ḳhuuñ bahā.e jā hoñToñ se muskurā.e jā

jaane se pahle bevafā shab ko sahar banā.e jā
dil ko bujhā ke kyā chalā sham.a ko bhī bujhā.e jā

le vo davā-e-talḳh hai jis kā asar hai ḳhush-gavār
piine meñ muñh banā.e jā dil meñ maze uThā.e jā

zarf-e-sharāb tere paas zurūf-e-surūr mere paas
dil to nahīñ ba-qadr-e-jām dekh na muñh pilā.e jā

maiñ ne sunāyā us ko jo urdu meñ hāl-e-dil
kahne lagī ġhalat haiñ tumhāre talaffuzāt

be-sabab Thiik nahīñ ghar se nikal kar jaanā
justujū ho koī dil meñ to safar par jaanā

us kī palkoñ pe chamak uTThe haiñ jab bhī aañsū
qatre qatre ko mire dil ne samundar jaanā

maanā ki dil ko tere na milne kā ġham rahā
sad shukr bach ga.e talab-e-mā-sivā se ham

hañsne nahīñ detā kabhī rone nahīñ detā
ye dil to koī kaam bhī hone nahīñ detā

tum maañg rahe ho mire dil se mirī ḳhvāhish
bachcha to kabhī apne khilaune nahīñ detā

lagtā hai ki is dil meñ koī qaid hai 'ashfāq'
rone kī sadā aatī hai yādoñ ke khañDar se

tire va.adoñ pe kahāñ tak mirā dil fareb khaa.e
koī aisā kar bahāna mirī aas TuuT jaa.e

laakh ḳhushiyāñ unheñ mubārak hoñ
ham ġhamoñ se hī dil ko bharte haiñ

hālat-e-dil batā.eñ ham un ko
kaise din raat ab guzarte haiñ

vo thā kuchh us ke bachche the kuchh saath the aur kuchh ghar vaale
ā.īne se kore dil vaale kohsār se ūñche sar vaale