Tags-Dil

zarre ke zaḳhm dil pe tavajjoh kiye baġhair
darmān-e-dard-e-shams-o-qamar kar rahe haiñ ham

dil hai shauq-e-gunāh se labrez
dekhne hī kā pārsā huuñ maiñ

soz-e-dil kar chukā hai jism ko ḳhaak
ab tirā muntazir sabā huuñ maiñ

shāreh-e-hāl-e-dil samajh mujh ko
dard hī dard ho gayā huuñ maiñ

dikhne kyā zaḳhm-e-dil lage 'majrūh'
haa.e haa.e jo kar rahā huuñ maiñ

dil tere kaam kā nahīñ to
banda phir le ke kyā karegā

tirā ishq hai mirī zindagī tire husn pe maiñ nisār huuñ
tirā rañg aañkh meñ bas gayā tirā nuur dil meñ utar gayā

dil ke kāġhaz par likhā hai terā naam
chain miltā hai paḌhūñ jab sub.h-o-shām

kyā ḳhabar thī ishq bhī ik rog hai
varna kāfir dil ko de detī lagām

ai 'munavār' dil ko qaabū meñ rakho
rah na pāogī vagarna nek naam

'bahzād' is liye maiñ kahtā nahīñ huuñ dil kī
Dartā huuñ sun ke duniyā hairān ho na jaa.e

haath siine pe mire rahne de
dil kī dhaḌkan Thahar na jaa.e kahīñ

maiñ hī momin maiñ hī kāfir maiñ hī ka.aba maiñ hī dair
ḳhud ko maiñ sajde karūñgā dil meñ tum ho dil meñ tum

dil meñ kab se rim-jhim kartī
kaisī barkhā baras rahī hai

is tarah aaj phir ābād hai vīrāna-e-dil
ki hai labrez mai-e-shauq se paimāna-e-dil

vo dard-e-dil bhī nahīñ chashm-e-ḳhūñ-fishāñ bhī nahīñ
kabhī jo thā vo ab andāz-e-gulistāñ bhī nahīñ

vo is maqām se guzre haiñ dil ye kahtā hai
jhukā hai sar ki jahāñ koī āstāñ bhī nahīñ

idhar to jiine se ham haiñ aarī udhar mañgāte ho tum savārī
ye kaisī haiñ garmiyāñ tumhārī phaphūle dil meñ paḌe hue haiñ

hijr ke dariyā meñ tum paḌhnā lahroñ kī tahrīreñ bhī
paanī kī har satr pe maiñ kuchh dil kī bāteñ likhūñgā

itnā to huā ai dil ik shaḳhs ke jaane se
bichhḌe hue milte haiñ kuchh dost purāne se