Tags-Dil

kuchh dil bhī hai merā ġham-e-ayyām se bojhal
kuchh shaam kī dahlīz se uThtā hai dhuāñ bhī

ham jo guzre un kī mahfil ke qarīb
ik kasak sī rah ga.ī dal ke qarīb

tū use aa kar jagā jā
hasrat-e-dil so rahī hai

tuḳhm-e-tanhā.ī mohabbat
kisht-e-dil meñ bo rahī hai

un se kah paa.ī kahāñ maiñ
baat dil meñ jo rahī hai

jaane kyuuñ dil hai pareshāñ
jaane kyā shai kho rahī hai

badan se mere vo pūchhtī hai batāo āshiq kahāñ hai merā
dhaḌak ke dil ye javāb detā hai jaan ījād ho rahā hai

dil-e-be-iḳhtiyār kī ḳhushbū
us par is intizār kī ḳhushbū

āftāb-e-dāġh-e-saudā kī harārat dekh kar
chhāñv meñ dil tuftgān-e-ġham ko biThlātī hai teġh

kahte haiñ ye rone se lagī dil kī bujhegī
samjhāte haiñ apnā mujhe parvāna samajh kar

ham un ke haiñ dil un kā hai jaañ un kī hai lekin
phir muñh ko chhupāte haiñ vo begāna samajh kar

rakkhā na kahīñ kā hameñ barbādi-e-dil ne
armān Thaharte nahīñ vīrāna samajh kar

ḳhūbāñ se paTe yā na paTe vasl kā saudā
dil pahle hī le lete haiñ bai.āna samajh kar

uchTī jo niiñd dil kā har ik zaḳhm jaag uThā
yādoñ kā chāñd pichhle-pahar qahr ban gayā

dil miTe pyaar kī apealoñ par
tohmateñ lag ga.iiñ qabīloñ par

dil ke sambandh dil kī girhoñ se
uun sīloñ meñ goT rīloñ par

dil jise chāhe vahī chehra jabīñ lagtā hai
apne siine kā har ek daaġh hasīñ lagtā hai

maiñ kahīñ bhī huuñ magar huuñ usī mahfil kā charāġh
vo jahāñ bhī ho mire dil kā makīñ lagtā hai

dhīre dhīre sar meñ aa kar bhar gayā barsoñ kā shor
rafta rafta ārzu-e-dil dhuāñ hone lagī

dil meñ samā ga.iiñ vo zamāne kī nafrateñ
mehr-o-vafā bhī āḳhirash badnām ho ga.ī