Tags-Dil

kaam chaltā nahīñ hai marham se
zaḳhm-e-dil kā ilaaj aur hai kuchh

sochnā aur udaas ho jaanā
haal hī dil kā aaj aur hai kuchh

ishq meñ dil kā ye manzar dekhā
aag meñ jaise samundar dekhā

go dil meñ ḳhafā hai tū par is baat ko nādāñ
kah baiThiyo mat āshiq-e-dil-gīr ke muñh par

purānī yādoñ ne jab bhī lagā liyā pherā
is ujḌe dil meñ baḌī dhūm-dhām ho ga.ī hai

tumhārī yaad ke paude lagā ke is dil meñ
fazā-e-dil meñ bhī ḳhushbū sī ghol dī maiñ ne

ab kisī ko dekhnā un ko gavārā hī nahīñ
dekh kar tujh ko zamāne bhar se dil andhā huā

jaan kar apnā hī ghar ab dard rahtā hai yahāñ
dil ko ḳhālī us kī ḳhātir to na thā rakkhā huā

dil-e-afsurda kī
ārzūoñ ke

aziyyat aur is sukūñ
donoñ ko hī dil khol ke maiñ ne luTāyā hai

dil meñ ġham aañkh meñ hañsī dekhī
yuuñ bhī ashkoñ kī ḳhud-kushī dekhī

un ke dil par nahīñ jabīnoñ par
ik riyā-kār bandagī dekhī

na hai 'shā.ir' ab ġham-e-nau-ba-nau na vo dāġh-e-dil na vo aarzū
jinheñ e'timād-e-bahār hai vahī phuul rañg badal ga.e

us din se apne bulbul-e-dil ko hai ishq-e-gul
gulzār-e-dahr meñ huī jaise binā-e-bāġh

guzar ke aa.ī huuñ maiñ ġham ke regzāroñ se
nazar udaas hai dil hai dukhā huā merā

kiyā hai pesh tujhe āñsuoñ kā nazrāna
hujūm-e-shām-e-alam aur dil jalā merā

vo sāneha mire dil par guzar gayā 'gulnār'
har ek harf-e-duā be-sadā huā merā

paayā hai sab ne dil magar is dil ke bāvajūd
ik shai milī hai dil meñ khaTaktī huī mujhe

dil na faḳhr-o-takabbur se ālūda ho
tāj-e-shāhī na de taḳht-e-shāhī na de

de ḳhulūs-o-vafā kā jo ho aa.ina
buġhz-o-kīna bharā dil ilāhī na de