Tags-Dil

o paak nāznīñ o phūloñ ke gahne vaalī
sarsabz vādiyoñ ke dāman meñ bahne vaalī

'nāzir' matā-e-dil ye kahāñ le ke aa ga.e
pahlī sī ab vo garmi-e-bāzār bhī nahīñ

dil meñ apne dard kī chhiTkī huī hai chāñdnī
har taraf phailī huī hai tīrgī ye mat kaho

jab vo nazreñ do-chār hotī haiñ
tiir sī dil ke paar hotī haiñ

ishq meñ be-hijābiyāñ dil ko
kyā hī be-iḳhtiyār hotī haiñ

jamma pūñjī hai mire jism meñ kuchh āñsuoñ kī
ye mirā dil to nahīñ ek ḳhazāna paḌā hai

ek sannāTā dabe-pāñv gayā ho jaise
dil se ik ḳhauf sā guzrā hai bichhaḌ jaane kā

tabāhī dil meñ rahtī hai ḳharābī dil meñ bastī hai
yahī ābād bastī hai yahī vīrān bastī hai

nigāhoñ se milātā huuñ nigāheñ is tamannā meñ
vo mere dil meñ aa jaa.e jo un āñkhoñ meñ mastī hai

vo jins-e-dil kī qīmat pūchhte haiñ maiñ batā.ūñ kyā
yahī mahñgī sī mahñgī hai yahī sastī sī sastī hai

ajab shai jins-e-ulfat hai ki dil jaa.e to haath aa.e
hamesha ek qīmat hai na mahñgī hai na sastī hai

dil-e-āshiq meñ hasrat bhī hai armāñ bhī tamannā bhī
vo jis bastī meñ rahte haiñ baḌī ābād bastī hai

kab se vīrān paḌī hai mire dil kī duniyā
koī naġhma kisī paa.el kī sadā kuchh bhī nahīñ

lamha
dil ke bahut paas se

ḳhāna-e-dil ko sajānā bhī hai ik shauq-e-fuzūl
kaun jhāñkegā yahāñ ye ā.īne bāhar lagā

mire vajūd kī rusvā.iyāñ tumhārī qasam
hai dil meñ ḳhauf phir ik rāz-dāñ banāte hue

kyā pūchho ho sāñjh talak pahlū meñ kyā kyā taḌpā hai
kal kī nisbat dil ko hamāre baare kuchh to qarār hai aaj

ḳhāna-e-dil meñ daaġh jal na sakā
is meñ koī charāġh jal na sakā