Tags-Dil

dil de ke jaan kā muft ik rog hī ḳharīdā
daulat se terī maiñ ne ye kuchh liyā diyā hai

kyuuñ kar na mere dil kā shīsha ho TukḌe TukḌe
nazroñ se is ko zālim tū ne girā diyā hai

kyā jānūñ ishq kyā hai lekin kisī ne 'ehsāñ'
ik aag kā sā sho.ala dil ko lagā diyā hai

dil ke dāman meñ chubh ga.ī āḳhir
chaltī-phirtī huī nazar tanhā

ab nahīñ siine meñ mere jā-e-dāġh
soz-e-dil se daaġh hai bālā-e-dāġh

dil jalā āñkheñ jalīñ jī jal gayā
ishq ne kyā kyā hameñ dikhlā.e daaġh

dil jigar jal kar hue haiñ donoñ ek
darmiyāñ aayā hai jab se pā-e-dāġh

tum se jab qurbateñ mayassar thiiñ
dil to us vaqt bhī udaas rahā

dil mai-kade kī samt chalā thā magar use
is rāste pe aql ne chalne nahīñ diyā

anjām aarzū kā burā hai bas is liye
dil meñ kabhī charāġh ye jalne nahīñ diyā

'darvesh' be-qarār rahā dil tamām-umr
mauqa sukūñ kā ek bhī pal ne nahīñ diyā

aap jis dil se gurezāñ the usī dil se mile
dekhiye DhūñDh nikālā hai kahāñ se maiñ ne

hameñ satā kar jo haiñ pashemān dil meñ shāyad vo bach bhī jaa.eñ
hameñ satā kar jo mutma.in haiñ unheñ sazā lāzmī milegī

dil mirā māñgte ho kyuuñ āḳhir
karnā hai us kī bhī tijārat kyā

pyaar kī aañkh hī nahīñ 'panchhī'
kaun dekhegā dil kī hālat kyā

dil dhaḌaktā hai ye kahte hue us mahfil meñ
yaañ kisī ko ḳhafaqāñ kī bhī davā aatī hai

asar naġhmoñ meñ bhī hai nāla-hā-e-ġham meñ bhī 'shā.ir'
magar TuuTe hue dil kī fuġhāñ kuchh aur kahtī hai

nafrat bhī usī se hai parastish bhī usī kī
is dil sā koī ham ne to kāfar nahīñ dekhā

ik dil meñ thā ik sāmne dariyā use kahnā
mumkin thā kahāñ paar utarnā use kahnā

'sūraj' apne dil kī ujḌī bastī meñ
yādoñ kī bārāt liye phirtā huuñ maiñ