Tags-Dil

kahā thā maiñ ne ki dil ko sazā.eñ aap na deñ
ye pesh-tar se huā aur beshtar gustāḳh

ham aur zikr-e-mohabbat dil aur shikva-e-ġham
ḳhamoshiyoñ ne tumhārī kiyā magar gustāḳh

dil-o-nazar ko lihāz-o-hayā se kyā matlab
ye be-adab hai sarāsar vo sar-ba-sar gustāḳh

duniyā ke log sunte raheñge tamām umr
lafzoñ meñ apne dil kī sadā chhoḌ jā.ūñgā

bigḌeñ vo ham se ki ham un se sab meñ ik lazzat hotī hai
jiine meñ baḌā lutf aatā hai jab dil se mohabbat hotī hai

ab is meñ hamārī kyā hai ḳhatā majbūr se haiñ lāchār se haiñ
dil hai to mohabbat karte haiñ tum ho to mohabbat hotī hai

sabā meñ mast-ḳhirāmī guloñ meñ bū na rahe
tirā ḳhayāl agar dil ke rū-ba-rū na rahe

tirī talab se ibārat hai soz-o-hayāt
ho sard ātish-e-hastī jo dil meñ tū na rahe

ḳhudā kare na vo uftād aa paḌe ham par
ki jān-o-dil raheñ aur terī aarzū na rahe

tire ḳhayāl kī mai dil meñ yuuñ utārī hai
kabhī sharāb se ḳhālī mirā subū na rahe

is iltihāb meñ kaise ġhazal-sarā ho koī
ki sāz-e-dil na rahe ḳhū-e-naġhma-jū na rahe

ye mirī bazm nahīñ hai lekin
dil lagā hai to lagā rahne do

ek mela sā mire dil ke qarīb
ārzūoñ kā lagā rahne do

dil ke paanī meñ utāro mahtāb
is pyāle ko bharā rahne do

hasrat-e-zohra-vashāñ sarv-qadāñ hai ki jo thī
apnā sarmāya-e-dil yād-e-butāñ hai ki jo thī

maiñ ne sarmāya-e-dil nazr-e-butāñ kar Daalā
mere nāseh ko magar fikr-e-ziyāñ hai ki jo thī

mohabbat meñ ziyāñ-kārī murād-e-dil na ban jaa.e
ye lā-hāsil hī umr-e-ishq kā hāsil na ban jaa.e

mujhī par paḌ rahī hai saarī mahfil meñ nazar un kī
ye dildārī hisāb-e-dostāñ dar-dil na ban jaa.e

tire anvār se hai nabz-e-hastī meñ taḌap paidā
kahīñ saarā nizām-e-kā.enāt ik dil na ban jaa.e

yaqīn karne se pahle pata lagā to sahī
ki tere dil kī sadā mo'tabar bhī hai ki nahīñ