Tags-Dil

tajalliyoñ se ġham-e-e'tibār le ke uThā
sukūñ nahīñ thā to dil kā qarār le ke uThā

ye vasl-lamhoñ kī raushnī hai jo dil kī duniyā meñ aa basī hai
mahaktī yādoñ kī chāñdnī hai maiñ jis kī kirnoñ se jal rahī huuñ

bolī hai rābte kī yahī joḌtī hai dil
har dil meñ aisā maan hai urdū zabān kā

kartā hai ābiyārī lahū se adiib jo
vo dil hai jism-o-jān hai urdū zabān kā

ḳharābī dil kī is had hai ki ye samjhā nahīñ jaatā
ki ābādī bhī yaañ thī yā ki vīrāna thā muddat kā

qadam Tak dekh kar rakh 'mīr' sar dil se nikālegā
palak se shoḳh-tar kāñTā hai sahrā-e-mohabbat kā

tākīd karo zamzama-sanjān-e-chaman ko
bechain hoñ dil jin se vo naġhme na alāpo

ham to haiñ faqat dil-zada-e-zauq-e-tamāshā
rum ham se abas karte ho ai zohra-nigāho!

ḳhudāyā joḌ kyā hai ishq-o-dil kā
tirī baḳhshish pe hairānī bahut hai

ho din kī fazāoñ kā sargam yā bhīgtī rātoñ kā aalam
kitnā hī suhānā ho mausam dildār nahīñ to kuchh bhī nahīñ

kyuuñ ahl-e-sitam kā dil toḌeñ phir shahr meñ chal kar sar phoḌeñ
sahrā-e-junūñ ko ab chhoḌeñ dīvār nahīñ to kuchh bhī nahīñ

har mauj-e-balā ik sāhil hai girdāb hī apnā hāsil hai
ye kashti-e-dil vo qātil hai mañjhdār nahīñ to kuchh bhī nahīñ

duniyā se kaho jo use karnā hai vo kar le
ab dil meñ mire vo alal-elān rahegā

yād-e-firāq-e-yār tirā shukriyā bahut
kal raat dil meñ dard hamāre uThā bahut

sharm-e-īzā se mire dil ko yaqīñ hai ai maut
muñh na dikhlā.egī sub.h-e-shab-e-hijrāñ mujh ko

sozish-e-dil se ye parvāne kī sūrat taḌpā
dekh kar rone lagī sham-e-shabistāñ mujh ko

sher mardoñ se huā besha-e-tehqīq tahī
rah ga.e suufī o mullā ke ġhulām ai saaqī

dil vo āzād parinda hai ki jis ko maiñ ne
qaid karnā to bahut chāhā magar kar na sakā

baat jaisī bhī ho tāsīr hai shart-e-lāzim
sher vo kyā jo kisī dil meñ bhī ghar kar na sakā

ham naġhma-sarā.ī kaise kareñ bedād-garoñ kī mahfil meñ
āñkhoñ se lahū kā raag bahe to jazb ho kis patthar-dil meñ