Tags-Dil

dil meñ ik vaqt-e-tarab-nāk kā armān liye
ḳhud ko yuuñ vaqf-e-ġham-o-gardish-e-hālāt na kar

maiñ dekhūñ kab talak manzar suhāne sab purāne
vahī duniyā vahī dil kā jhamelā maiñ akelā

māshūq hameñ baat kā puurā nahīñ miltā
dil jis se milā.eñ koī aisā nahīñ miltā

ushshāq se yuuñ aañkh tumhārī nahīñ miltī
aġhyār se dil jaise hamārā nahīñ miltā

kyā muft meñ tum dil ke ḳharīdār bane ho
be-ḳharch kiye daam ye saudā nahīñ miltā

dil koī milātā nahīñ TuuTe hue dil se
duniyā meñ hameñ joḌ hamārā nahīñ miltā

barbād kiyā yaas ne yuuñ ḳhāna-e-dil ko
DhūñDe se bhī ab dāġh-e-tamannā nahīñ miltā

āñkheñ kahe detī haiñ ki dil saaf nahīñ hai
miltā hai vo is rañg se goyā nahīñ miltā

zāhir hai mulāqāt hai bātin meñ judā.ī
tum milte ho dil ham se tumhārā nahīñ miltā

kahnā vo sharārat se tirā dil ko churā kar
kyā DhūñDte ho ham se kaho kyā nahīñ miltā

'beḳhud' nigah-e-lutf pe de Dāliye dil ko
jo miltā hai sarkār se thoḌā nahīñ miltā

hañsī meñ vo baat maiñ ne kah dī ki rah ga.e aap dañg ho kar
chhupā huā thā jo raaz dil meñ khulā vo chehre kā rañg ho kar

jo raaz dil se zabāñ tak aayā to us ko qaabū meñ phir na paayā
zabāñ se niklā kalām ban kar kamāñ se chhūTā ḳhadañg ho kar

milā dil-e-nā-hifāz mujh ko to kyā kisī kā lihāz mujh ko
kahīñ garebāñ na phaaḌ Dāleñ janāb-e-nāseh bhī tañg ho kar

uThe the talvār khīñch kar tum to phir ta.ammul na chāhiye thā
ki rah ga.ī mere dil kī hasrat shahīd-e-teġh-e-darañg ho kar

jo valvale the vo dab ga.e sab hujūm-e-lait-o-la.al meñ 'haidar'
jo hausle the vo dil hī dil meñ rahe dareġh-o-darañg ho kar

ai ārzu-e-qatl zarā dil ko thāmnā
mushkil paḌā mirā mire qātil ko thāmnā

siine pe haath dharte hī kuchh dam pe ban ga.ī
lo jaan kā azaab huā dil ko thāmnā

dil khiñchā jitnā qafas meñ āshiyāne kī taraf
duur itnā hī qafas se āshiyānā ho gayā

kaun se aalam meñ maiñ ne aaj dekhā hai tujhe
tū dhanak ban kar mire dil meñ kabhī utrā na thaa!