Tags-Dil

saḳht-jānī se mirā dil bach gayā varna yahāñ
kaun sā patthar thā is shīshe pe jo barsā na thaa!

sarhad-e-āvāz dil kā duur se patthar na dekh
tā.ir-e-shauq-e-navā tūfān ke tevar na dekh

ye rāz-o-niyāz-e-ġham kuchh vo bhī samajhte haiñ
jab choT paḌī dil par palkoñ ko salām aayā

pheñke hue shīshoñ se dil kitne banā.e haiñ
jab jaam koī TuuTā dīvānoñ ke kaam aayā

ik sañg-dil kī dīda-dilerī to dekhnā
shikvoñ kā e'tirāf bhī kartā chalā gayā

tasvīr-e-yās-o-ġham thī ba-zāhir nihāñ magar
har naqsh dil hī dil meñ ubhartā chalā gayā

dil mahv-e-iztirāb nazar sākit-o-ḳhamosh
ye kaun sāmne se guzartā chalā gayā

dil kī zid is liye rakh lī thī ki aa jaa.e qarār
kal ye kuchh aur kahegā mujhe ma.alūm na thā

bahut dinoñ meñ ham un se jo ham-kalām hue
dil-o-nazar hama-tan sajda-o-salām hue

dil ulajhtā rahā tā-sub.h hamārā shab ko
paḌ gayā us ke jo phūloñ ke zarā haar meñ bal

ai shahr-e-dil tirī galiyoñ meñ ḳhaak uḌtī hai
ye kyā huā ki yahāñ koī nauhagar bhī nahīñ

dil hamārā na toḌo ḳhudā-rā varna kho doge apnā sahārā
zarre zarre meñ is aa.ine ke tum ko apnī hī sūrat milegī

aate haiñ khultā darvāza dekh ke ruk jaate haiñ
dil par naqsh biThā jaate haiñ yahī ThiTakte paañv

husn-e-fānī par ham apnā dil fidā karte rahe
ab pashemāñ haiñ ki saarī umr kyā karte haiñ

maut hī āḳhir ilāj-e-kārgar sābit huī
dard-e-dil baḌhtā rahā juuñ juuñ davā karte rahe

ik aas kā diyā to dil meñ jalāte jaao
kis moḌ par miloge ye to batāte jaao

merā chehra hai kisī qabr kā katba 'āmir'
dil kī āvāz bhī ab shor-e-azādār lage

sunsān kar diyā mire pahlū ko le ke dil
zālim ne luuT kar mirī bastī tabāh kī

maiñ us nigāh ke sadqe ye ho asar jis meñ
ki dil meñ dard bhī uTThe to gudgudī ho jaa.e

chheḌā hai dast-e-shauq ne mujh se ḳhafā haiñ vo
goyā ki apne dil pe mujhe iḳhtiyār hai