Tags-Dil

saath rahtā hai sadā mahfil o tanhā.ī meñ
dil-e-ram-ḳhurdā magar ham se bhī kam khultā hai

mire dāġh-e-dil kī hī tābisheñ haiñ jamāl-baḳhsh dil-o-nazar
yahī baat hai ki tamām shab mujhe kahkashāñ se gurez hai

ye shakeb se nahīñ āshnā ise kuchh vafā se ġharaz nahīñ
yahī raaz hai yahī vaj.h hai jo dil-e-tapāñ se gurez hai

hai talāsh-e-vus.at-e-lā-makāñ ki jahāñ pe kuchh ho sukūn-e-dil
ho jahāñ bhī bandish-e-āb-o-gul mujhe us makāñ se gurez hai

dil yuuñ bujhā bujhā sā hī kho kar tumhārī yaad
mahfil meñ jaise sham-e-farozāñ nahīñ rahī

kis darja dil-shikan hai gulistāñ kā inqalāb
bulbul bhī ab chaman meñ ġhazal-ḳhvāñ nahīñ rahī

koī aayā thā dil kī bastī meñ
dil mirā jhūmtā thā mastī meñ

ai dil tirī maut kā bhī ġham hai
ḳhush bhī haiñ tirī najāt par ham

kitne dariyā is nagar se bah ga.e
dil ke sahrā ḳhushk phir bhī rah ga.e

mohabbat ḳhvāb-e-gul hai
shāḳh-e-dil kī suunī palkoñ par

savāl dil kā shām-e-ġham ko aur udaas kar gayā
tire vajūd meñ jo ek maiñ thā vo kidhar gayā

har ek daur munfarid thā ab bhī dil pe naqsh hai
gayā to yuuñ lagā ki jī kā ek hissa mar gayā

nigāh-e-dost dil-navāz bhī girah-kushā bhī thī
khulā jo dil pe zindagī kā bhed jī Thahar gayā

vo sail-e-nūr shab kī ibtidā se tā-sahar gayā
dil us ke bal pe apne bahr-e-ġham ke paar utar gayā

ik zarā sā pyaar honā chāhiye
dil mileñ to ḳhud lipaT jaate haiñ ghar

dil masarrat kī farāvānī se dīvāna hai aaj
dekhnā ye kaun āḳhir zeb-e-Kāshana hai aaj

yaad terī ik zamāne se hamārī dil meñ thī
tū yahāñ aane se pahle bhī isī mahfil meñ thī

dil pe kyuuñ kar faash ho jaate haiñ āzādī ke raaz
chheḌte haiñ kis tarah mahfil meñ.... bedārī kā saaz

rūh-o-dil ko jagmagā de jalva ārā.ī tirī
kam se kam itnā to kar jaa.e masīhā.ī tirī

dars aisā de ke dil āzurda-e-manzil na ho
fikr-e-lā-hāsil na ho andesha-e-bātil na ho