Tags-Dil

jise yaad apnī lagā.iye use saaf dil se bhulā.iye
Tuk idhar to aañkh milā.iye yahī ham se qaul-o-qarār thā

tū ba-mauj-e-partav-e-māh sā kaho iztirāb meñ dil kā kyā
kabhī paar thā kabhī vaar thā kabhī vaar thā kabhī paar thā

us ne tanhā.ī se ghabrā kar pukārā to nahīñ
is se pahle to mirā dil is tarah dhaḌkā na thā

sochte haiñ ab use 'āzād' ham kyā naam deñ
umar kā vo daur dil meñ jab koī saudā na thā

har zaḳhm-e-dil ko ham ne sajāyā hai is tarah
jugnū banā diyā kabhī taarā banā diyā

haqīqat-e-ġham-e-ulfat chhupā rahā huuñ maiñ
shikasta-dil huuñ magar muskurā rahā huuñ maiñ

kamāl-e-hausla-e-dil dikhā rahā huuñ maiñ
kisī se rasm-e-mohabbat baḌhā rahā huuñ maiñ

jo sañg ho ke mulā.em hai sādgī kī tarah
pighal rahā hai mire dil meñ chāñdnī kī tarah

maiñ us ko nuur kā paikar kahūñ ki jān-e-ḳhayāl
jo mere dil pe utartā hai shā.irī kī tarah

dil ga.e aafat aa.ī jānoñ par
ye fasāna rahā zabānoñ par

arsh o dil donoñ kā hai paaya buland
sair rahtī hai un makānoñ par

vo aag lagā.ī hai tire hijr ne dil meñ
har lamha judā.ī kā sharar hone lagā hai

kitne tiir khaa.e haiñ kitne ġham uThā.e haiñ
baaz hī nahīñ aatā dil magar dhaḌakne se

jaane phir us ke dil meñ kyā baat aa ga.ī thī
mujh ko gale lagā kar vo ḳhud bhī ro paḌī thī

dil par biite lab pe na aa.e
haa.e mohabbat kā dastūr

ghar ġhair ke jo yaar mirā raat se gayā
jī siine se nikal gayā dil haat se gayā

dekhā jo baat karte tujhe raat ġhair se
dil merā haath setī isī baat se gayā

us rashk-e-mah kī bazm meñ jaate hī 'āftāb'
dil sā rafīq merā mire saat se gayā

bahār aa.e to ḳhud hī laala o nargis batā deñge
ḳhizāñ ke daur meñ dilkash gulistānoñ pe kyā guzrī