Tags-Dil

koī apnī hañsī ke parde meñ
dard dil kā chhupā rahā hogā

shām-e-ġham meñ ye raushnī kaisī
dil kā sho.ala bhaḌak uThā hogā

kahāñ ham aur kahāñ ab sharāb-ḳhāna-e-ishq
na vo dimāġh na vo dil na vo zamāna-e-ishq

ḳhayāl-e-ruḳh pe hai mauqūf dil kī ābādī
kabhī na gul ho ilāhī charāġh-e-ḳhāna-e-ishq

bhare hue haiñ hasīnān-e-sīm-tan dil meñ
ḳhudā kare kabhī ḳhālī na ho ḳhazāna-e-ishq

kisī pe dil kā thā aanā ki be-ḳhudī chhā.ī
samand-e-hosh ko aafat hai tāziyāna-e-ishq

jab un ke dil meñ ye aatī hai kuchh suneñ naale
to mujh se kahte haiñ chheḌo koī tarāna-e-ishq

chamak ke daaġh ye kahtā hai dil kī aahoñ se
havā se bujh nahīñ saktā charāġh-e-ḳhāna-e-ishq

but-ḳhāne se dil apne uThā.e na ga.e
ka.abe kī taraf mizāj laa.e na ga.e

valvale dil ke sambhalte hī nahīñ siine meñ
jaane kis chāñd ke ye bahr uchhāle hue haiñ

sukūn-e-dil baḌī daulat sahī ai ham-nashīñ lekin
sukūñ pā kar bhī akasr muztarib rahnā paḌā mujh ko

sar pe dastār jab salāmat hai
dil meñ aatī huī anā se Dar

dīda-o-dil mirī sarkār uThā laa.e haiñ
ham qafas meñ bhī tirā pyaar uThā laa.e haiñ

sadāqat ho to dil sīnoñ se khiñchne lagte haiñ vaa.iz
haqīqat ḳhud ko manvā letī hai maanī nahīñ jaatī

ashk-e-ḳhūñ kyuuñ na aañkh se Tapkeñ
dil kā armāñ yūñhī nikaltā hai

tiir dil kā na khīñch rahne de
lutf-e-sohbat hai jī bahaltā hai

sañg-parastoñ kī bastī meñ shīsha-garoñ kī ḳhair nahīñ hai
jin kī āñkheñ nuur se ḳhālī un ke dil haiñ aahan aahan

dil kahāñ hai 'charāġh' siine meñ
ek tūfān jaisī halchal hai

jo na thā vo ġhairat-e-gulsitāñ to karūñ ab us kā maiñ kyā bayāñ
ki alam judā.ī kā har zamāñ mire ek dil pe hazār thā

tap-e-ġham se thā jo jalā-balā mire siine meñ dil-e-mubtalā
so dhuāñ ho yuuñ vo havā huā ki na sho.ala thā na sharār thā