Tags-Dil

chhoḌo bhī purānī bātoñ ko jo dil par biitī biit ga.ī
afsurda-dilī se tum kab tak har mahfil ko garmāoge

zamāna hai ki dil-gīrī meñ afsurda sā rahtā hai
tabī.at hai ki ġhamgīnī meñ jaulānī pe aatī hai

us kā dhyān kabhī nā bhūle dil meñ ho har pal
soch usī ko sochtī jaa.e narm gudāz rahe

duniyā us ke saath ho lekin us ke dil meñ ham
saare jag meñ ham ko hāsil ye e.ajāz rahe

dil hī aisā hai bā-vafā 'momin'
bevafā se bhī jo vafā karegā

dil reza reza hai to jigar hai lahū lahū
kaisī banī huī hai mohabbat kī jaan par

chalte chalte ye hālat huī raah meñ bin piye mai-kashī kā mazā aa gayā
paas koī nahīñ thā magar yuuñ lagā koī dil se mire aa ke Takrā gayā

hijr kā mere dil meñ añdherā kiye vo jo pardes meñ thā baserā kiye
jis ke aane kā koī gumāñ bhī na thā daf.atan mujh ko aa ke vo chauñkā gayā

dil meñ ḳhayāl-e-manzil-e-dār-o-rasan liye hue
aaj koī guzar gayā kū-e-sanam se duur duur

'manzar'-e-sāda-dil jinheñ dost samajh rahe the tum
aaj vahī vafā-sarisht ho ga.e ham se duur duur

kisū ke baal darham dekhte 'mīr'
huā hai kām-e-dil barham hamārā

ham ne har tarah se dil-e-ḳhūn kiyā hai apnā
ātish-e-mai se kabhī jurm-e-vafā se khele

tū vo ik aag jise haath lagā.e na bane
dil vo dīvāna ki is sail-e-balā se khele

ḳhushk ā.ankhoñ se kahāñ tai ye masāfat hogī
dil ko samjhāyā thā ashkoñ kī zarūrat hogī

har ek ġham se salāmat guzar gayā hai dil
ḳhudā kare ki mohabbat kī taab le aa.e

tab raf.a ḳhalish ho.e miyāñ dil se 'muhib' ke
kahte haiñ so tujh se kahe dil khol ke dukh baaT

kabhī ḳhayāl se bāhar kabhī ḳhayāl meñ hai
vo ek chehra jo dil meñ gulāb jaisā hai

koī mile na mile be-qarār rahtā hai
ki dil kā haal bhī ik mauj-e-āb jaisā hai

hamāre dil meñ vahī hai jo sab pe zāhir hai
ki apnā chehra khulī ik kitāb jaisā hai

ġham-e-dil pe shikast-e-talab-e-jāñ kā hai bhārī
miT jaate tag-o-tāz meñ paspā to na hote