Tags-Dil

naqsh phir jamne lagā tadbīr kā
aql phir kuchh dil ko samjhāne lagī

phir vahī betābi-e-dil hai 'jigar'
phir kisī kī yaad taḌpāne lagī

akelā kyūñki lagtā bastiyoñ meñ dil bichāre kā
na hotā naqsh shīrīñ kā agar farhād ke aage

dil hijr ke dard se bojhal hai ab aan milo to behtar ho
is baat se ham ko kyā matlab ye kaise ho ye kyūñkar ho

jo baat rahe dil meñ vahī baat baḌī hai
ulfat kā taqāzā bhī yahī kam-suḳhanī hai

jab chāhā tujhe dekh liyā jān-e-tamannā
ġham-ḳhāna-e-dil meñ tirī tasvīr juḌī hai

jis vaqt nazar aayā tirī zulf kā saaya
us vaqt kahā dil ne yahāñ chhāñv ghanī hai

nāla-e-dil ne diye aurāq-e-laḳht-e-dil ba-bād
yād-gār-e-nāla ik dīvān-e-be-shīrāza thā

dil ko har lamha bachāte rahe jazbāt se ham
itne majbūr rahe haiñ kabhī hālāt se ham

nashsha-e-mai se kahīñ pyaas bujhī hai dil kī
tishnagī aur baḌhā laa.e ḳharājāt se ham

naġhmagī nāla-e-hijrāñ maiñ kahāñ se lā.ūñ
soz-e-dil sāz-e-bahārāñ se kahāñ guzrā hai

ġham kī jhankār meñ shāmil thī shikast-e-dil bhī
mere nāloñ pe taġhazzul kā gumāñ guzrā hai

kyā mātam un ummīdoñ kā jo aate hī dil meñ ḳhaak huiiñ
kyā ro.e falak un tāroñ par dam bhar jo chamak kar TuuT ga.e

ham apne dil kī duniyā dekhte haiñ
hameñ ye shaġhl-e-bekārī bahut hai

chale ho us se milne par ye sun lo
use shauq-e-dil-āzārī bahut hai

hijr kī raat thī itnī lambī kaaTe se naañ kaTtī thī
ġham kī jot jagā.ī maiñ ne is dil ke bahlāne ko

maiñ baḌā sañg-dil thā yaaro jab
dil banāne kā merā pesha thā

jahāñ dil ke badle meñ miltā hai dil
vo duniyā na jaane kahāñ hai miyāñ

jis shahr meñ gumrāhī azīz-e-dil-o-jāñ ho
us shahr-e-malāmat meñ ḳhizar kyuuñ nahīñ jaate

ye sahal hī sahī sikke uchhāl kar rakhnā
magar ye dil hai use bhī sambhāl kar rakhnā