koī maidāñ na jiitā ishq kā farhād ke aage
kasū ne dam na maarā tesha-e-faulād ke aage
ga.e dauḌe na āḳhir hazrat-e-yāqūb kan.āñ se
zamīñ naape pidar bhī husn-e-mādar-zād ke aage
akelā kyūñki lagtā bastiyoñ meñ dil bichāre kā
na hotā naqsh shīrīñ kā agar farhād ke aage
agar dhaḌkā ho jannat meñ to bad-tar hai jahannum se
hameñ gul ḳhaar sā lagtā hai us sayyād ke aage
'yaqīñ' us qad ke aage is tarah se sarv rusvā hai
daraḳhtān-e-bayābānī haiñ juuñ shamshād ke aage