Tags-Dil

ek gul-e-be-mehr khilāne kī ḳhātir
qarya-e-dil barbād hamesha rahtā hai

asar-e-nāla-e-āshiq nahīñ dekhā tum ne
thaam lo dil ko sambhal baiTho ab achchhā dekho

duur ho jaa.eñ jo āñkhoñ se hijābāt-e-duī
phir to dil hī meñ do-ālam kā tamāshā dekho

sab meñ DhūñDā unheñ aur kī to na kī dil meñ talāsh
nazar-e-shauq kahāñ khaa.ī hai dhokā dekho

nahīñ thamte nahīñ thamte mire aañsū 'bedam'
rāz-e-dil un pe huā jaatā hai ifshā dekho

mirī chashm-e-shauq meñ kaif-e-dil jo bharā thā ḳhuun ke naam se
vahī sho.ala ban ke bhaḌak uThā vahī phuuT niklā hai jaam se

baḌī dil-fareb hai dāstāñ tirā zikr aur mirā bayāñ
vo dahan dahan vo zabāñ zabāñ jo hai āshnā tire naam se

mujhe vaa.iz apnī lagī hai dhun koī phuul ātish-e-tar kā chun
mire dard-e-dil kī hadīs sun kabhī chheḌ kar lab-e-jām se

jo azal meñ thā vahī nuur hai ki charāġh-e-mahfil-e-tūr hai
koī rahne vaalā zarūr hai mire dil meñ dard ke naam se

jo taḌap thī kal vahī aaj hai yahī mire dil kā ilaaj hai
mirī zindagī bhī 'sirāj' hai isī iztirāb-e-davām se

na samjhe ashk-fishānī ko koī māyūsī
hai dil meñ aag agar aañkh meñ bhī paanī hai

josh-e-junūñ bhī gardish-e-daurāñ se kam na thā
dil thā to dasht-e-ġham bhī gulistāñ se kam na thā

āvārgī ko vus.at-e-sahrā bhī kam rahī
dil ko jahān-e-shauq bhī zindāñ se kam na thā

ham ko na thī junūñ meñ tamīz-e-dimāġh-o-dil
dāman kā chaak chāk-e-garebāñ se kam na thā

dil par raqam thī ek se ik turfa dāstāñ
koī bhī zaḳhm 'arsh' dabistāñ se kam na thā

daaġh khā khā kar hazāroñ dil lahū ho ho ga.e
kal khulī pahnīñ jo tum ne arġhavānī chūḌiyāñ

dekhne vaale tumhāre dil bachā.eñ kis tarah
āfat-e-jāñ tum balā-e-nāgahānī chūḌiyāñ

ma.alūm kuchh huā hī na dil kā asar kahīñ
aisā gayā ki pher na paa.ī ḳhabar kahīñ

mohabbat bad-gumāñ ho jaa.e to zinda nahīñ rahtī
asar dil par tumhārī be-ruḳhī se kuchh nahīñ hotā

junūñ ne daulat-e-dil ko nisār kar Daalā
pukārtī hī rahī aql kā.enāt ga.ī