Tags-Dil

kahāñ chhoḌā hai dil ko kārvān-e-āh-o-nāla ne
ki hai āvāra manzil yūsuf-e-be-kārvāñ ab tak

dil-e-bīmār ko hamdam havā-e-sair-e-gul kyā ho
ki hai nā-mo'tadil āb-o-havā-e-gulsitāñ ab tak

azal se gosh-e-dil meñ gūñjte haiñ zamzame tere
magar ai dost maiñ ne tujh ko paayā be-nishāñ ab tak

ayaañ afsurdagi-e-gul se hai anjām gulshan kā
magar ḳhūn-e-dil-e-bulbul hai sarf-e-āshiyāñ ab tak

jhuk ga.iiñ mil ke ajnabī āñkheñ
dil se dil ham-kalām ho na sakā

firāq-e-lab-o-zulf par munhasir kam hī paa.ī hai ahl-e-vafā kī taḌap
tum āġhosh ke tañg halqe meñ ho phir bhī har lamha afzūñ hai dil kī jalan

mamnūñ hī rahā us but-e-kāfir kī jafā kā
shikva na kiyā dil ne kabhū shukr ḳhudā kā

siina chaman hai ġhuncha-e-dil hai shagufta-dil
terī nigāh hai chaman-ārā kaheñ jise

ġham parvarīda hai dil-e-shorīdgān-e-ishq
furqat kī ek raat hai duniyā kaheñ jise

haa.e ab kaun lagī dil kī bujhāne aa.e
jin se ummīd thī aur aag lagāne aa.e

ta.ane be-sabr yuuñ ke haa.e tashaffī ke evaz
aur dikhte hue dil ko vo dukhāne aa.e

bekasī kā to jalā dil mirī turbat pe 'hafīz'
kyā huā vo na agar sham.a jalāne aa.e

sau baar band-e-ishq se āzād ham hue
par kyā kareñ ki dil hī adū hai farāġh kā

be-ḳhūn-e-dil hai chashm meñ mauj-e-nigah ġhubār
ye mai-kada ḳharāb hai mai ke surāġh kā

bāġh-e-shagufta terā bisāt-e-nashāt-e-dil
abr-e-bahār ḳhum-kada kis ke dimāġh kaa?

vaqt guzar jaatā hai lekin dil kī ranjish
dil meñ baiThī kī baiThī hī rah jaatī hai

hai diip tirī yaad kā raushan abhī dil meñ
ye ḳhauf hai lekin jo havā aa.ī zarā aur

rāt-din kī dāstāñ mujh se ai tanhā.ī na pūchh
dil kabhī bhī us kī yādoñ se magar ġhāfil na thā

jān-e-jāñ ab aap chāhe jo kaheñ mujh ko faqat
aaj kī shab aap se milne kā merā dil na thā

ab to bas bedard lamhe shāmil-e-taqdīr haiñ
vaise merā dil kabhī bhī is qadar ghā.il na thā