Tags-Dil

pyaar ke khel meñ dil ke mālik ham to sab kuchh kho baiThe
aksar tum se shart lagī hai aksar apnī maat rahī

laakh diye duniyā ne charke laakh lage dil par pahre
husn ne lākhoñ chāleñ badlīñ lekin ishq kī ghaat rahī

tum kyā samjhe tum se chhuT kar haath bhalā ham kyuuñ malte
chashm-o-dil ke shaġhl ko aksar ashkoñ kī barsāt rahī

arz kī kuchh dil-e-āshiq kī ḳhabar hai to kahā
haañ nahīñ kuchh nahīñ bas kah to diyā kuchh bhī nahīñ

āñkhoñ hī āñkhoñ meñ dil le gayā siine se nikāl
haath se ham ne diyā us ne liyā kuchh bhī nahīñ

mire allāh ye patthar ki butoñ kā dil hai
rahm rusvā.ī kā Dar ḳhauf-e-ḳhudā kuchh bhī nahīñ

kamar-e-yār kā az-bas-ki jo rahtā hai ḳhayāl
dil ko maiñ chīnī-e-mū-dār kā bartan samjhā

chashm ne apnī taraf se to sujhā.ī thī 'nasīr'
dil na par us sitam-ījād kī chitvan samjhā

ai dil mazā to jab hai ki har zaḳhm khā ke bhī
peshānī-e-hayāt pe hargiz na bal paḌe

barsāt hai dil Das rahā hai paanī
furqat meñ tirī jhulas rahā hai paanī

bayāñ hoñ bhī to hoñ āḳhir kahāñ jo dil kī bāteñ haiñ
na tanhā.ī kī bāteñ haiñ na ye mahfil kī bāteñ haiñ

murattab kar liyā yuuñ ham ne afsāna mohabbat kā
kuchh un ke dil kī bāteñ haiñ kuchh apne dil kī bāteñ haiñ

tumhārā va.az rāz-e-ishq kyā kholegā ai vaa.iz
zabāñ kī ye nahīñ hazrat ye chashm-o-dil kī bāteñ haiñ

zabāñ se kuchh kaho sāhab magar ma.alūm hai ham ko
tumhāre dil kī sab bāteñ hamāre dil kī bāteñ haiñ

yuuñ to aksar dil bhī dhaḌke chehre par
jo kuchh haiñ āñkheñ haiñ mere chehre par

hāl-e-dil aġhyār se kahnā paḌā
gul kā qissa ḳhaar se kahnā paḌā

vo mire saath hai saa.e kī tarah
dil kī zid hai ki nazar bhī aa.e

tujh chehra-e-gul-rañg niiñ ḳhūbāñ ko gul-gūnī diyā
tere lab yāqūt ne mujh dil kuuñ pur-ḳhūnī diyā

kahte haiñ saare barahman mujh 'mubtalā' suuñ ai sanam
zunnār-e-gesū khol tuuñ har dil kuuñ baftūnī diyā

toḌā hai bār-hā mujhe dil kī shikast ne
chehra magar zarā bhī na merā udaas thā