Tags-Dil

terā aanā thā tasavvur meñ tamāshā sham.a-rū
mere dil par raat parvānoñ kā balvā ho gayā

dil ke armān dil ko chhoḌ ga.e
aah muñh is jahāñ se moḌ ga.e

jām-e-dil bāda-e-ulfat se bharā rahtā hai
vaah kyā zarf hai TuuTe hue paimāne kā

saf.ha dil mirā ā.īna-e-ramz-e-tauhīd
rāz-e-kaunain ḳhulāsa mire afsāne kā

jab qaum par aafat aa.ī ho jab mulk paḌā ho mushkil meñ
insān vo kyā mar miTne kā ehsās na ho jis ke dil meñ

qātil ke dil kī kamzorī ne saarā kaam bigāḌ diyā
ham tishna-e-shauq-e-shahādat the ḳhanjar bhī thā dast-e-qātil meñ

mahfil kī mahfil behis hai taarī hai jumūd insānoñ par
uTh soz kā aalam barpā kar aur aag lagā de har dil meñ

tum hamāre dil-e-shaidā ko nahīñ jānte kyā
aur ġhairoñ kī tamannā ko nahīñ jānte kyā

pahle dil thaam lo phir ā.īna tum haath meñ lo
apne husn-e-ruḳh-e-zebā ko nahīñ jānte kyā

jhuuT hai dil na jaañ se uThtā hai
ye dhuāñ darmiyāñ se uThtā hai

abhī maiñ ne zulmat-e-shab kī samt nigāh Daalī thī ġhaur se
ki kisī ne dil kī muñDer par diye rakh diye tire naam ke

thakan ko jaam kareñ aarzū ko baada kareñ
sukūn-e-dil ke liye dard kā i.aada kareñ

achānak dilrubā mausam kā dil-āzār ho jaanā
duā āsāñ nahīñ rahnā suḳhan dushvār ho jaanā

abhī to be-niyāzī meñ taḳhātub kī sī ḳhushbū thī
hameñ achchhā lagā thā dard kā dildār ho jaanā

kahīñ ye qalb-e-havādis kī taab lā na sake
kahīñ ye dil hī na le le koī qarār ġhalat

ye merā dil hai tamannā.eñ paal letā hai
huā hai is pe bhī saaya koī savār ġhalat

yā dil kī hālatoñ kā bayāñ sab ke sāmne
yā apne aap se bhī chhupānī mohabbateñ

ham ko bulā liyā karo bāteñ kiyā karo
dil meñ tumhāre dard ke tūfān jab uTheñ

uftādgān-e-rāh ke dil par lagegī choT
manzil pe jā ke qāfile āvāz yuuñ na deñ

ye tūfān-e-havādis aur talātum baad o bārāñ ke
mohabbat ke sahāre kashti-e-dil hai ravāñ ab tak