Tags-Dil

dam-e-takallum kisī ke aage ham apne dil ko bhī dete hauke
milāte chun chun ke lafz aise savāl goyā javāb hotā

aao bachcho sair karā.eñ
bhārat kā dil tum ko dikhā.eñ

hai dil meñ ghar ko shahar se sahrā meñ le chaleñ
uThvā ke āñsuoñ se dar-o-bām dosh par

laboñ pe chāshnī aur dil meñ nafratoñ kā zahr
ye āb-o-nār kī sañgat baḌī nirālī hai

sher mat sunā 'alvī'
dāġh-e-dil na kar raushan

zamāne se huuñ be-niyāz is qadar
satā.ish kī bhī dil meñ ḳhvāhish nahīñ

dil āñkhoñ se āshiq bachā.e hue haiñ
hiran ko vo chītā banā.e hue haiñ

hoñToñ tak aate aate huī vo bhī sard aah
ik āh-e-sard thī jo mirī ġham-gusār-e-dil

dard-e-dil zaḳhm-e-jigar kā rāzdāñ koī nahīñ
vāqif-e-asrār-e-ġham āzār-e-jāñ koī nahīñ

ḳhāna-e-dil tak mire koī gayā to hai zarūr
naqsh pā kā chhoḌā hai lekin nishāñ koī nahīñ

jhamak dikhāte hī us dil-rubā ne luuT liyā
hameñ to pahle hī us kī adā ne luuT liyā

mamnūn-e-barg-e-gul haiñ na sharminda-e-sabā
ham bulbul aur hī chaman-e-dil-kushā ke haiñ

shaiḳh aur barhaman meñ agar laag hai to ho
donoñ shikār-e-ġhamza usī dil-rubā ke haiñ

samjho agar to haiñ vahī sab se harīs-tar
tālib ḳhudā se jo dil-e-be-mudda.ā ke haiñ

khaTkā bhī kuchh huā nahīñ aur dil uḌā liyā
ye saare hathkañDe tirī zulf-e-dotā ke haiñ

vo aisī sarzamīñ hai jis meñ ahl-e-dil abhī tak haiñ
jo shaiḳh o barhaman urdu ke haiñ qābil abhī tak haiñ

sab uzv-e-badan sham-e-sifat bah ga.e gal kar
is sozish-e-dil ne mujhe sailāb banāyā

bhūlne ko tujhe dil kyuuñ nahīñ raazī hotā
terī yādoñ meñ kasak hai ki maza hai kyā hai

aaj kyā phir kisī armān ne dam toḌ diyā
shor kyuuñ dil se ye 'jāved' uThā hai kyā hai

hasīñ yādeñ vo bachpan kī kahīñ dil se na kho jaa.eñ
maiñ apne āshiyāne meñ khilaune ab bhī rakhtā huuñ