Tags-Dil

yād-e-māzī se ye afsurda sī raunaq dil meñ
āḳhir-e-shab koī darvāza khulā ho jaise

maqām-e-shauq se aage bhī ik rasta nikaltā hai
kaheñ kyā silsila dil kā kahāñ par jā nikaltā hai

dukān-e-dil baḌhāte haiñ hisāb-e-besh-o-kam kar lo
hamāre naam par jis jis kā bhī jitnā nikaltā hai

ye dil kyuuñ Duub jaatā hai usī se pūchh lūñgā maiñ
sitāra shām-e-hijrāñ kā idhar bhī aa nikaltā hai

dil-e-muztar vafā ke baab meñ ye jald-bāzī kyā
zarā ruk jaa.eñ aur dekheñ natīja kyā nikaltā hai

mohabbat kuchh baḌī hai umr meñ aur hai havas chhoTī
magar dil hai ki hai sau jaan se lahlūt chhoTī par

har qadam saath rahā kartī haiñ yādeñ terī
dhyān terā hī dar-e-dil pe dharā rahtā hai

phir muḳhālif ko maiñ dildār banā.ūñ kaise
ab ināyāt kā andāz judā rahtā hai

aasrā jab bhī koī TuuTe hai
ek chhālā sā dil meñ phūTe hai

toḌ Daale jo dil kā ā.īna
vahī ā.īna-gar bhī hotā hai

maiñ bhī duniyā meñ huuñ ik nāla-pareshāñ yak jā
dil ke sau TukḌe mire par sabhī nālāñ yak jā

tū bhī rone ko milā dil hai hamārā bhī bharā
hoje ai abr bayābān meñ giryāñ yak jā

jān-o-dil haiñ udaas se mere
uTh gayā kaun paas se mere

kyā maiñ Thahrā.ūñ us ko dil meñ 'hasan'
hai vo bāhar qayās se mere

gar ātish-e-dil nāloñ kī sarsar se na sulge
mat sard ho dāmān-e-bayābāñ ko pahuñch to

bikhre haiñ sharar dil ke mire dūd-e-fuġhāñ meñ
apne hī sar-e-zulf-e-zar-afshāñ ko pahuñch tū

pur-zañg hai ā.īna-e-dil hind se 'uzlat'
gar chāhiye saf haañ to safāhāñ ko pahuñch tū

ye khiḌkiyāñ to mujhe aur kah rahī haiñ kuchh
samajh mire dil nādān ye huā hai yaar

guzargāh-e-zamāna bhī hai lekin
tirā dil se guzarnā apnī jā hai

mire suune ujḌe dayār meñ kabhī do ghaḌī hī qayām kar
ho jo dil to us meñ sukūn le tirā jī kare to ḳhirām kar