Tags-Dil

chubho ke tanz ke neze hamārī rag rag meñ
vo shiddat-e-ḳhalish-e-dil talāsh kartā hai

vo ḳhūn-e-hasrat-e-dil se navāz kar aañsū
lahū kā rañg bhī shāmil talāsh kartā hai

nāḳhun na pahuñchā ābla-e-dil talak 'hasan'
ham mar ga.e ye ham se na āḳhir girah ga.ī

yaar jab pahne javāhir kar de ai dil jī nisār
jal chuk ai parvāne ye rañgīñ charāġhāñ phir kahāñ

hai bahishtoñ meñ 'yaqīñ' sab kuchh va-lekin dard na.iiñ
bhar ke dil ro lījiye ye chashm-e-giryāñ phir kahāñ

sahrā bhī sharmātā hai
is dil kī vīrānī se

abas toḌā mirā dil naaz sikhlāne ke kaam aatā
ye ā.īna thā us ḳhud-bīñ ko itrāne ke kaam aatā

jalāyā mus.haf-e-dil tū ne kyuuñ barq-e-taġhāful se
jo sach bolūñ tujhe jhūTī qasam khāne ke kaam aatā

dil-e-sad-chāk kā shāna mirā TuuTā tire hāthoñ
vagarna zulf-e-dūd-e-āh suljhāne ke kaam aatā

gulū-e-yazdāñ meñ nok-e-sināñ bhī TuuTī hai
kashākash-e-dil-e-paiġham-barāñ bhī TuuTī hai

siyāsat-e-dil-ā.īna chuur chuur to thī
siyāsat-e-dil-e-āhan-garāñ bhī TuuTī hai

chubheñge zīra-hā-e-shīsha-e-dil dast-e-nāzuk meñ
sambhal kar haath Daalā kījiye mere garebāñ par

kyā aise kam-suḳhan se koī guftugū kare
jo mustaqil sukūt se dil ko lahū kare

ab to hameñ bhī tark-e-marāsim kā dukh nahīñ
par dil ye chāhtā hai ki āġhāz tū kare

ab to ye aarzū hai ki vo zaḳhm khā.iye
tā-zindagī ye dil na koī aarzū kare

tujh ko bhulā ke dil hai vo sharminda-e-nazar
ab koī hādsa hī tire rū-ba-rū kare

karte haiñ kasb-e-nūr isī tīrgī se ham
'anjum' haiñ dil ke daaġh guhar-hā-e-shab-charāġh

dosto ke kaam aanā jurm hai
ḳhud ko dariyā-dil banānā jurm hai

hai safīne kā mere muhāfiz ḳhudā nā-ḳhudā bhī madad-gār hai ab mirā
ye bhī maanā ki hai ab muāfiq havā dil hī jab Duub jaa.e to maiñ kyā karūñ

kaun sā ġham hai jis kā mudāvā nahīñ kaun sā dard hai jis kā chārā nahīñ
ishq ko ġham ho pyārā to kyā kījiye dard hī dil ko bhaa.e to maiñ kyā karūñ