Tags-Dil

mujhe apne dil kā vo raaz de jo ḳhushī se mujh ko navāz de
vo jo mujh meñ ruuh sī phūñk de kisī roz aisā kalām kar

nashsha-e-husn meñ sarshār chalā jaatā hai
shab-e-tārīk hai dildār ḳhudā ko sauñpā

dil kī barbādiyoñ pe nāzāñ huuñ
fat.h pā kar shikast khaa.ī hai

jo kuchh paḌtī hai sar par sab uThātā hai mohabbat meñ
jahāñ dil aa gayā phir aadmī majbūr hotā hai

yuuñ to uThte hai mire dil se hazāroñ naale
lekin in ḳhāna-ḳharāboñ meñ asar hai ki nahīñ

bul-havas dil ko kar apne zarā bas meñ 'hasrat'
mard-e-be-sabr tujhe kuchh bhī jigar hai ki nahīñ

nikle us anjuman se to pahlū meñ dil na thā
aa.e jo DhūñDne to vo bole yahāñ kahāñ

jo ashk-e-surḳh hai nāma-nigār hai dil kā
sukūt-e-shab meñ likhe jā rahe haiñ afsāne

maiñ is dil se nikal kar bām-o-dar taqsīm kartī huuñ
ki ḳhud be-ghar huuñ aur logoñ meñ ghar taqsīm kartī huuñ

motī sameT laa.e samundar se ahl-e-dil
vo shaḳhs be-amal thā duāoñ meñ kho gayā

sab dil-āvez tabassum pe hī mar miTte haiñ
jhāñktā kaun hai tasvīr kī vīrānī meñ

allāh re tirā ro.ab ki ahvāl-e-dil apnā
de dete haiñ ham kar ke raqam kah nahīñ sakte

us kā dīdār hama-vaqt ibādat merī
aañkh ne dil pe jo tasvīr utārī terī

ruuh to ek taraf hotī hai ruḳhsat tan se
aarzū ek taraf dil se judā hotī hai

murġh-e-bismil kī tarah loT gayā dil merā
nigah-e-nāz kī tāsīr bhī kyā hotī hai

shamīm-e-zulf-e-yār aa.e na aa.e
mire dil ko qarār aa.e na aa.e

kiyā jo tum ne apne dil se pūchho
hamārā e'tibār aa.e na aa.e

har ghaḌī tīrgī rahtī hai musallat mujh par
maiñ ne dekhā hī nahīñ dil kā daraḳhshāñ honā

mahr-o-mahtāb kī ḳhvāhish se mujhe kyā lenā
mutma.in dil hai jab ik sīm-badan kī had tak

vo achānak bichhaḌ ga.e sab se
dil kī dhaḌkan bhī is qadar Thahrī