Tags-Dil

ik tirī yaad hī detī hai mire dil ko qarār
ik tirā naam hī ab vaj.h-e-sukūñ hai yuuñ hai

hāl-e-dil sun ke mirā chup na raho kuchh to kaho
ḳhāmushī ne.amat-e-goyā.ī kā ḳhuuñ hai yuuñ hai

maiñ vazīfa paḌh rahī huuñ rāt-din
aap ke dil meñ utarne ke liye

chaman kī vaz.a ne ham ko kyā daaġh
ki har ġhuncha-dil par aarzū thā

aahoñ ke bādal kyuuñ dil meñ bin barse hī lauT ga.e haiñ
ab ke baras sāvan kā mahīna kaisā pyāsā pyāsā gayā hai

phuul sī har tasvīr meñ zehn kī dīvāroñ se utaar chukā huuñ
phir bhī dil meñ kāñTā sā kyuuñ rah rah kar chubhtā rahtā hai

sāl-hā-sāl ke tūfāñ meñ bhī dil bujh na sakā
zak use sarkashi-e-mauj-e-havā kyā degī

dil to kuchh kahtā hai par sharm se uThte nahīñ haath
dekhnā hai ki ye be-dast duā kyā degī

hai ishq safar dil se faqat dil kā magar kyuuñ
is raah meñ aate haiñ bayābāñ bhī chaman bhī

jo dil pe guzartī haiñ raqam kar use dil par
zaḳhmoñ kī numā.ish na bane bazm-e-suḳhan bhī

'navnīt' tū hai fazl kī ūñchā.ī kā hissa
rakh dil meñ agar nuur to rakh zehn meñ fan bhī

dil ke rishtoñ kī baat karte ho
ek shīsha thā ek patthar thā

na ġham-e-dil na fikr-e-jāñ hai yaad
ek terī hī bar zabāñ hai yaad

dīda-o-dil meñ tū hī bastā hai
tujh sivā kis kī aur yaañ hai yaad

us ne mazāq samjhā mirā dil dukhā gayā
phir mom-battiyoñ ko hamesha bujhā gayā

raas aa.ī na mohabbat mujhe varna 'sāqī'
maiñ ne sochā thā ki har dil meñ utar jā.ūñgā

jo jī meñ aave to Tuk jhāñk apne dil kī taraf
ki us taraf ko idhar se bhī raah nikle hai

rūdād-e-ishq is liye ab tak na kī bayāñ
dil meñ jo dard hai vo zabāñ par bhī aa.egā

nashsha pilā ke ḳhuub mirā hāl-e-dil sunā
kuchh tum bhī dil kī baat batāo nashe meñ aao

dil meñ ġhubār rakhnā hai tauhīn-e-mai-kashī
bas ḳhatm uTh ke haath milāo nashe meñ aao