Tags-Dil

ye sar-kashī ke naam se mansūb hī sahī
hotā hai dil bhī sar-ba-garebāñ kabhī kabhī

kuchh ishq aisī baḳhsh gayā be-niyāziyāñ
dil ko kisī kā lutf gavārā na ho sakā

tū hamesha rahtā hai chīñ-bar-jabīñ afsurda dil
phir kisī kī bazm-e-ishrat meñ na jā bahr-e-ḳhudā

jashn-e-jamshed mayassar hai ki dil rakhte haiñ
jaam ye aur sahī sāġhar-e-jam aur sahī

mūnis-e-ḳhalvat-e-vafā aaj bhī hai vo dil ki jo
sham.a kī lau meñ thartharā.e chāñd ke saath Duub jaa.e

do javāñ dil jo mohabbat meñ kabhī paḌ jaa.eñ
kyā ye sach-much meñ ḳhudā kī hī ḳhatā hotī hai

kis sañg-dil ḳhayāl ne sahmā ke rakh diyā
yak-laḳht aa.ine kī chamak ḳhatm ho ga.ī

phūloñ kī dilkashī meñ izāfa huā to hai
lekin ye kyā huā ki mahak ḳhatm ho ga.ī

balā-e-shām ke saa.e the aur vādi-e-dil
agarche sub.h kā chehra dhulā dhulā sā thā

charāg manzil-e-dil par jalā ke kyā karte
vafā kā qāfila kab se rukā rukā sā thā

kuchh batā dil ki dillī se kis lucknow kī taraf jā baseñ
kaun bastī hai jis par barastā hai hun ham-safar baat sun

sukūn-e-dil meñ ġham-o-iztirāb chāhte haiñ
ham aise log bhī kyā inqalāb chāhte haiñ

ye kis ke āñsuoñ ne us naqsh ko miTāyā
jo mere lauh-e-dil par tū ne kabhī banāyā

thā dil jab us pe maa.il thā shauq saḳht mushkil
tarġhīb ne use bhī āsān kar dikhāyā

har ek naqsh tamannā kā ho gayā dhundlā
har ek zaḳhm mire dil kā bhar gayā yaaro

miTtā hai kabhī dil se naqsh us kī mohabbat kā
nākām tamannā bhī majbūr tamannā hai

siine meñ dil kī aahaT jaise koī jāsūs chale
har saa.e kā pīchhā karnā aadat hai harjā.ī kī

mushtāq hī dil barsoñ us ġhuncha-dahan kā thā
yaaro mire aur us ke kab rabt suḳhan kā thā

vaañ bāloñ meñ vo mukhḌā jaatā thā chhupā kam kam
yaañ hashr mire dil par ik chāñd gahan kā thā

āḳhir ko hameñ zālim pāmāl kiyā tū ne
andesha hameñ dil meñ tere hī chalan kā thā