Tags-Dil

hai un ke ahd-e-vafā se munāsibat dil ko
use qayām nahīñ hai ise qarār nahīñ

khujūroñ ke daraḳhtoñ se bhī ūñchā
mire dil meñ tumhārā martaba thā

kahte haiñ unhīñ ko dushman-e-dil hai naam usī kā nāseh bhī
vo log jo rah kar sāhil par mañjdhār kī bāteñ karte haiñ

ye ahl-e-qalam ye ahl-e-hunar dekho to 'shakīl' in sab ke jigar
fāqoñ se haiñ dil murjhā.e sū-e-dār kī bāteñ karte haiñ

un ke mujh par sitam baḌhe jab se
dard dil meñ bahut kamī aa.ī

tū mujh ko aur maiñ tujh ko samjhā.ūñ kyā
dil dīvāna terā bhī hai merā bhī

be-fā.eda hai chāhnā asnām se vafā
ye sañg-dil kisī ke kabhī ho nahīñ sake

ādāb-e-parda-dārī-e-zabt-e-fuġhāñ na pūchh
tūfān dil meñ uThte rahe ro nahīñ sake

jab kisī kī yaad aa kar tilmilā jaatā hai dil
jagmagā uThtī hai kuchh is shaan se bazm-e-dimāġh

dil ko mere terī hasrat ke adhūre baab kī
ik mukammal dāstāñ honā hī thā so ho gayā

aql-o-dānish se to kuchh kaam na niklā apnā
kab tak āḳhir dil-e-dīvāna kā kahnā na kareñ

tere āshufta-sar aise bhī nahīñ saudā.ī
ki dil-o-dīñ ke liye zulf kā saudā na kareñ

maiñ ne behūda tavaqqo kī sazā paa.ī hai
kuchh ḳhayāl aap mirī hasrat-e-dil kā na kareñ

us se baḌh kar to koī be-sar-o-sāmāñ na milā
dil milā jis ko magar dard-e-ġharībāñ na milā

shikāyat-e-ġham-e-dil ko zabāñ nahīñ khultī
ki is nigāh ke andāz haiñ karīmāna

purānā saath chhūTā jā rahā hai
mirā dil hai ki TuuTā jā rahā hai

achchhā to muravvat hī tirā bosa-e-lab hai
achchhā ye koī dil kā taqāzā bhī nahīñ thā

dil kā ahvāl ki kuchh zikr-e-zamāna chheḌūñ
baat yuuñ chheḌnā achchhā hai ki yuuñ achchhā hai

kise ho ḳhabar dard-e-pinhāñ kī ai dil
jinheñ thī ḳhabar be-ḳhabar ho ga.e haiñ

dil kā har kaam faqat us kī nazar kartī hai
naam aatā hai magar merā har ilzām ke ba.ad