raaz ye sab par ayaañ honā hī thā so ho gayā
mujh ko ik din rā.egāñ honā hī thā so ho gayā
dil ko mere terī hasrat ke adhūre baab kī
ik mukammal dāstāñ honā hī thā so ho gayā
miTte miTte vaqt ke hāthoñ mujhe bhī āḳhirash
be-nishānī kā nishāñ honā hī thā so ho gayā
maslahat par munhasir thā so hamāre rabt ko
ek din to rā.egāñ honā hī thā so ho gayā
farq rañg-o-nasl kā thā mujh meñ tujh meñ is liye
haa.il us ko darmiyāñ honā hī thā so ho gayā