Tags-Dariya

jhuTpuTe kā narm-rau dariyā shafaq kā iztirāb
khetiyāñ maidān ḳhāmoshī ġhurūb-e-āftāb

dasht ke kām-o-dahan ko din kī talḳhī se farāġh
duur dariyā ke kināre dhuñdle dhuñdle se charāġh

pattiyāñ jhuk ga.iiñ murjhā ga.e sahrā ke shajar
rah ga.e josh meñ bahte hue dariyā tham kar

qatra hai ain-e-dariyā dariyā hai ain-e-qatra
bhī donoñ ġhair hī haiñ nādir yū baat paayā

kashtī-e-mai le ke ai saaqī pahuñch bahr-e-ḳhudā
be tire mahfil meñ dariyā-bār āñkheñ ho ga.iiñ

safīna-e-barg-e-gul banā legā qāfila mor-e-nā-tavāñ kā
hazār maujoñ kī ho kashākash magar ye dariyā se paar hogā

nashāt-e-dard kā dariyā utarne vaalā hai
maiñ is se aur vo mujh se ubharne vaalā hai

dhoke dariyā meñ bhabūkā se haath
aag paanī meñ lagāyā na karo

jaao dariyā pe na tum ġhair ke saath
aise meñDhe to laḌāyā na karo

karam hai dariyā-diloñ kī zīnat kahāñ baḳhīloñ kī hai ye tīnat
use tavañgar nahīñ kaheñge jo koī mohtāj-e-dil ġhanī hai

na shor chāhiye dariyā kī tund maujoñ kā
mire lahū ko samundar kī ḳhāmushī denā

ruk nahīñ saktā hai dariyā dīda-e-pur-āb kā
paaT hai rūmāl merā dāman-e-sailāb kā

ik dard kā phailā huā sahrā hai ki maiñ huuñ
ik mauj meñ aayā huā dariyā hai ki tum ho

dariyā ke madd-o-jazr bhī paanī ke khel haiñ
hastī hī ke karishme haiñ kyā maut kyā hayāt

dil meñ ik gauhar-e-ḳhūbī kī mohabbat kā hai josh
āj-kal bhātā hai dariyā kā kinārā mujh ko

apne sivā nahīñ hai koī apnā āshnā
dariyā kī tarah aap haiñ apne kanār meñ

dariyā meñ us kī tīr-e-mizha kā paḌe jo aks
surāḳh ho har ik guhar-e-āb-dār meñ

jaa.eñ kab āshnā tirī dariyā kī sair ko
ashk-e-ravāñ se rakhtī haiñ dariyā kanār meñ

zamāna meñ nahīñ ahl-e-hunar kā qadar-dāñ baaqī
nahīñ to saikḌoñ motī haiñ is dariyā ke dāman meñ