Collections

Lab Shayari

Motivational Ghazals

Best Khamoshi Shayari

More Collections

Tags-Barish

ye barq o baad kī yūrish ye zahr kī bārish
milī hai ahl-e-chaman ko bahār kī sauġhāt

wahi kasif ghaTaen wahi bhayanak raat

yaad aayā vo TuuT kar 'fārūq'
raat bārish thī kyā qayāmat kī

shukr humne na kuchh shikayat ki

tujh meñ gar bārish samundar ke barābar hai to kyā
mere andar bhī hai sahrā ke barābar tishnagī

tujh mein gar barish samundar ke barabar hai to kya

bārish bhī āftāb kā dāman na dho sakī
kuchh gard ab bhī dhuup ke shahpar pe naqsh hai

ab tak lahu ka zaiqa KHanjar pe naqsh hai

karūñgā umr bhar us par maiñ pyaar kī bārish
vo ḳhush-jamāl sā paikar to sāmne aa.e

umid ki koi chadar to samne aae

jism kī aag ko bārish se havā miltī hai
saath meñ tū ho to barsāt meñ Dar lagtā hai

dil ko ab hijr ke lamhat mein Dar lagta hai

vahīñ pe barsā hai bādal jahāñ havā ne kahā
hamārī chhat pe to bārish barā.e-nām aa.ī

hamari gardish-e-pa raston ke kaam aai

sunā hai us rut ko dekh kar tum bhī ro paḌe the
sunā hai bārish ne pattharoñ par asar kiyā hai

milan ki saat ko is tarah se amar kiya hai

takzīb-e-junūñ ke liye ik shak hī bahut hai
bārish kā samay ho to sitārā nahīñ hotā

achchha hai wo bimar jo achchha nahin hota

yā-rab karam kī bārish ik baar aisī kar de
har phuul ko chaman meñ hañstā huā maiñ dekhūñ

palkon ko teri sharm se jhukta hua main dekhun

thoḌī sī bārish hotī hai
kitnī jaldī bhar jaatā huuñ

tughyani se Dar jata hun

ridā-e-āhanī har aadmī ke sar par hai
ki jaise sañg kī bārish isī nagar par hai

rida-e-ahani har aadmi ke sar par hai

chhat par bārish baras rahī hai
dīvāroñ par dhuul jamī hai

chhat par barish baras rahi hai

ḳhushk dariyā paḌā hai ḳhvāhish kā
ḳhvāb dekhā thā ham ne bārish kā

KHushk dariya paDa hai KHwahish ka

bārish-e-ġham meñ hañsī bhīgī huī hai merī
shak agar ho to use haath lagā kar dekheñ

ashk in aankhon se hum dil mein baha kar dekhen

shāyad tujh se milne kī gunjā.ish hai
sannāTā hai ḳhāmoshī hai bārish hai

shayad tujhse milne ki gunjaish hai

ho lene do bārish ham bhī ro leñge
dil meñ haiñ kuchh zaḳhm purāne dho leñge

ho lene do barish hum bhi ro lenge

dhuup ho ki bārish ho tū hai monis-o-hamdam
mujh pe ye tirā ehsāñ ai ġham-e-farāvāñ hai

husn hai mohabbat hai mausam-e-bahaaran hai

ḳhamoshī kah rahī hai ab ye do-ābā ravāñ hogā
havā chup ho to bārish ke shadīd āsār hote haiñ

KHamoshi kah rahi hai ab ye do-aba rawan hoga

chale aate haiñ be-mausam kī bārish kī tarah aañsū
basā-auqāt rone kā sabab kuchh bhī nahīñ hotā

swad-e-gham ho ya bazm-e-tarab kuchh bhi nahin hota