Tags-Azal

be-bahra-e-irfān-e-mohabbat hai azal se
sochā hai tujhe aql ne dekhā to nahīñ hai

hal hī na ho jis kā vo muammā to nahīñ hai
maktūb-e-azal harf-e-tamannā to nahīñ hai

na merī āñkhoñ meñ nīndeñ na ḳhvāb kī pariyāñ
firāq azal se yahāñ ratjage haiñ chāroñ taraf

kahīñ dīvār-e-qayāmat kabhī zanjīr-e-azal
kyā karo ishq-e-ziyāñ-e-kesh meñ aur kyā na karo

naqāb ruḳh se uThā chuke haiñ khaḌe hue muskurā rahe haiñ
maiñ hairatī-e-azal huuñ ab bhī vo ḳhaak hairāñ banā rahe haiñ

azal se aaj tak sajde kiye aur ye nahīñ sochā
kisī kā āstāñ kyuuñ hai kisī kā sañg-e-dar kyā hai

azal se qaa.em haiñ donoñ apnī zidoñ pe 'mohsin'
chalegā paanī magar kināra nahīñ chalegā

jo naḳhl-band-e-azal kā huā chaman meñ ḳhayāl
nazar guloñ meñ ajab shān-e-kibriyā aa.ī

maiñ vo tishna-lab huuñ ki sāqiyā hai azal se ḳhushk mirā galā
na zabāñ ko mai kā milā mazā na lab-āshnā hue jaam se

duniyā se kaun jaatā hai apnī ḳhushī ke saath
vābasta ho agar na azal zindagī ke saath

husn-e-azal kī shaan dikhā kar chale ga.e
ik vāqi.a sā yaad dilā kar chale ga.e

likhīñ azal se thiiñ mahrūmiyāñ muqaddar meñ
nishāna-e-sitam-e-rozgār honā thā

jo kuchh azal se hotā rahā hai vahī huā
ham ko bhī dostoñ kī adāvat ne maarā dost

koī us kā dard bhī pūchhtā ki vo kuchh dinoñ se udaas hai
ye junūñ kī pursish-e-hāl kyā jo azal se ḳhāk-basar bhī hai

qayām meñ bhī kisī raah par ravāna thā
mirā mizāj azal se musāfirāna thā

adā.eñ tā-abad bikhrī paḌī haiñ
azal meñ phaT paḌā jauban kisī kā

jaane kyā kah diyā thā roz-e-azal
aaj tak imtihān hai pyāre

jauhar-e-zātī mohabbat zabt hai us kā shi.ār
husn-e-ḳhud-bīñ ko azal se ḳhud-numā paate haiñ log

pī thī 'bedam' azal meñ kaisī sharāb
aaj tak be-ḳhudī nahīñ jaatī

ye maanā zarre zarre par tumhārī mohr azal se hai
magar kyā merī gunjā.ish nahīñ shahr-e-ḳhamoshāñ meñ