Tags-War

siyāh zulf ghaTā jaal jaadū jañg jalāl
fusūñ shabāb shikāran sharāb raat ghanī

soch le phir koī ta.amīr girāne jaanā
terī ta.amīr se hai jañg ki taḳhrīb se jañg

terā chehra arġhavānī terā dil-e-be-āb-o-rañg
zindagī kyā hai tirī qānūn se fitrat ke jañg

dimāġh-o-zehn meñ ik jañg barpā hai ḳhayāloñ kī
ise hamvār kar ke ik sukūn-e-jāvedāñ de de

ham amn chāhte haiñ magar zulm ke ḳhilāf
gar jañg lāzmī hai to phir jañg hī sahī

tafraqa paḌtā hai jab duniyā meñ nasl-o-rañg kā
le ke maiñ aatī huuñ parcham inqilāb-o-jañg kā

hai nishāñ jañg se bhaag aane kā
ghar mujhe bā.is-e-rusvā.ī hai

taḳht-nashīnoñ kā kyā rishta tahzīb-o-ādāb ke saath
ye jab chāheñ jañg karā deñ rustam kī sohrāb ke saath

mujāhid jañg ke maidāñ ko jaa.e jis tarah ghar se
ye manzar zehn meñ rakh kar mujhe izn-e-safar denā

dost dushman haiñ sabhī vaz.a pe qaa.em 'rāhat'
kyā kahūñ jiit ke maiñ jañg kahāñ se aayā

jakaḌ ke sāñsoñ meñ tash.hīr ho rahī hai mirī
maiñ ek qaid sipāhī huuñ jañg haarā huā

dāman ko tere thaam ke rāhat baḌī milī
ab tak maiñ apne aap se masrūf-e-jañg thā

jo ik jañg-jū idrāk sulh-jū ho to jhagḌā na uTThe bakheḌā na uThe
dil-o-dil-rubā meñ nibhe kyā mohabbat udhar vo bhī ziddī idhar ye bhī akkhaḌ

mazā jab hai aapas meñ kuchh jañg bhī ho mazā jañg meñ jab hai kuchh sulh bhī ho
dikhā de talavvun kā apne tamāshā idhar laḌ udhar mil idhar mil udhar laḌ

Dhañg hai samā.at kā rañg hai basārat kā be-tarah-o-be-ma.anī
nañg ke liye dauḌeñ ham bhī saarī duniyā meñ ek jañg jaarī hai