Tags-Wahshat

qa.ar-e-vahshat kī taraf muḌtī hai aksar rāh-e-fan
jhāñktī rahtī hai is ġhurfe se chashm-s-ahraman

mohabbat se hameñ nafrat hasīnoñ se hameñ vahshat
dil-āzārī kī bāteñ ab ye dil-āzār rahne deñ

tirī vahshat liye phirtī hai garm-e-justujū mujh ko
sukūñ-andoz hone kī bahut hai aarzū mujh ko

qais ye chāk-garebāñ to hai vahshat kī dalīl
chāk-dil hai ki nahīñ chāk-jigar hai ki nahīñ

hamāre dast-e-vahshat kab haiñ nichle baiThne vaale
uḌā leñge na saare taar jab tak jeb-o-dāman ke

dasht-e-vahshat meñ nahīñ miltā hai saaye kā patā
maiñ huuñ saudā.ī mirā ham-zād saudā.ī nahīñ

hai mirā dasht-e-junūñ saat āsmānoñ se do-chand
rub-e-maskūñ vādī-e-vahshat kī chauthā.ī nahīñ

mirā ġhazāl ki vahshat thī jis ko saa.e se
lipaT gayā mire siine se aadmī kī tarah

dikhā ke ham ko jamāl-e-ra.anā kiyā hai kyuuñ rah-navard-e-vahshat
bane the ḳhud rahnumā hamāre ye rahbarī meñ bhī rahzanī hai

harīf-e-vahshat-e-nāz-e-nasīm-e-ishq jab aa.uuñ
ki misl-e-ġhuncha sāz-e-yak-gulistāñ dil muhayyā ho

kuchh vahshat-e-iz.hār lahū shāḳh pe laa.ī
kuchh raas gul-e-zaḳhm ko ye āb-o-havā hai

Thahar ke jis ne bhī kuchh der ḳhud ko dekh liyā
vo apnī vahshat-e-be-jā kā chāragar Thahrā

āvārgī ke lutf na sarv-o-saman se pūchh
vahshat meñ kyā mazā hai havā-e-chaman se pūchh

dasht-e-vahshat meñ bagūlā thā ki dīvāna tirā
rūh-e-majnūñ bahr-e-istiqbāl aa kar le ga.ī

ārā.ish-e-jāñ ke liye kaafī nahīñ vahshat
mujh ko to koī zaḳhm dikhā.ī nahīñ detā

na huā vasl-e-tamannā na ghaTī vahshat-e-dil
kyā natīja thā mirī bādiya-paimā.ī kā

vādī-e-qais meñ jo le ga.ī mujh ko vahshat
dil ke bahlāne kī jā thī na magar aur kahīñ

junūñ ke saath thoḌī sī fazā-e-lā-makāñ bhī de
mirī vahshat ko is duniyā ke vīrāne se kyā hogā

jab se vahshat ne na.ī shakl nikālī apnī
ham junūñ-zād kisī dasht meñ jaane se ga.e