Tags-Wafa

maiñ to hāzir huuñ vafādārī meñ
tum karo mujh se vafā yā na karo

hoñToñ pe qarz-e-harf-e-vafā umr bhar rahā
maqrūz thā so chup kī sadā umr bhar rahā

jafākār dam-bāz kāzib muhīl
maiñ vāqif huuñ vo bevafā ek hai

shor-e-dariyā-e-vafā-e-ishrat ishrat-e-sāhil ke qarīb
ruk ga.e apne qadam aa.e jo manzil ke qarīb

tum se aur va.ada vafā ho ye hameñ bāvar nahīñ
qasmeñ de kar tum ko nāhaq jhuuT bulvāte haiñ log

mirā iftiḳhār vafā talak mujhe raas aa na sakā 'adā'
tirā naam jis par likhā rahā vo kitāb aaj bhī saada hai

vafā ke naam par barbād ho kar
vafā ke naam se dil kāñptā hai

dard-e-ulfat yūñhī thā rag rag meñ saarī haa.e haa.e
kyuuñ lagāyā phir vafā kā zaḳhm-e-kārī haa.e haa.e

tirī vafā ne mohabbat ko e.atibār diyā
tirī nazar se mujhe husn-e-e.atibār milā

bane vo baat ki ahl-e-vafā ke din phir jaa.eñ
mizāj-e-yār kī sūrat badal chale duniyā

maiñ māntā nahīñ ki vo ġhaflat-shi.ār hai
rasm-e-vafā ke zer-e-asar kis qadar huuñ maiñ

naqsh-e-vafā meñ rañg vahī hai dekho to
jis kī duniyā jo duniyā kā dushman hai

mirī vafā kā bagūla to ek thā lekin
mire sivā sar-e-sahrā ġhubār kis kā thā

ye kis ne shor-e-salāsil ko naġhmagī de hī
rah-e-vafā meñ qadam baar baar kis kā thā

na.e sire se chalo koī ahd karte haiñ
vafā jafā kā purānā hisāb rahne do

aap agar mā.il-e-tajdīd-e-sitam ho jaa.eñ
rañg-e-ta.alīm-e-vafā aur nikhar jā.egā

sitam-dost fikr-e-adāvat kahāñ tak
kahāñ tak vafā se baġhāvat kahāñ tak

ye dekhnā hai ki ba.ad-e-tark-e-ta.alluqāt ai 'shakīl' kab tak
na koī ham par jafā karegā na ham kisī se vafā kareñge

ḳhud-ġharaz bevafā haqīr-o-faqīr
us ne kyā kyā nahīñ kahā hai mujhe

zindagī ko na hai aarzū ko 'vafā' hasrat-āgīñ hai donoñ kā shahr-e-vafā
zindagī aarzū meñ guzar jā.egī aarzū dil meñ ghuT ghuT ke mar jā.egī