Asad Bhopali

na sathi hai na manzil ka pata hai

Asad Bhopali

Bhopal, Madhya Pradesh, India

1920-1990
na sāthī hai na manzil kā pata hai
mohabbat rāsta hī rāsta hai
vafā ke naam par barbād ho kar
vafā ke naam se dil kāñptā hai
maiñ ab tere sivā kis ko pukārūñ
muqaddar so gayā ġham jāgtā hai
vo sab kuchh jaan kar anjān kyuuñ haiñ
sunā hai dil ko dil pahchāntā hai
ye aañsū DhūñDtā hai terā dāman
musāfir apnī manzil jāntā hai
Top Urdushayar.com