Tags-Tajraba

ye tajraba bhī gardish-e-hālāt se huā
kaise saped hotā hai har āshnā kā ḳhuun

sar barahna shāḳhoñ par ek din vo aatā hai aur gulāb khilte haiñ
tajraba hai ye apnā ham ne bhī yahāñ āḳhir zindagī guzārī hai

ye tajraba mirā hai ki ik lamha-e-nashāt
miTTī bharī ġhizā ke sivā aur kuchh nahīñ

tajraba-kār zehn to sab samajh jaatā hai
zehn meñ sochoñ ko band kar ke

kitāboñ meñ jo yakjā ho na paayā
vo daa.im zindagī kā tajraba huuñ

kahāñ hai hijr meñ rahne kā tajraba us ko
tamām umr duā māñgtā rahegā vo

tajraba jo bhī hai merā maiñ vahī likhtā huuñ
maiñ tasavvur ke bharose pe nahīñ baiThā huuñ

ālamoñ kī baat kā 'saurabh' bharosa hai mujhe
tajraba kuchh zindagī kā haañ magar merā bhī hai

tajraba ham pe taġhāful kā na kiije varna
kuchh hunar ham bhī karishmā.ī liye baiThe haiñ

tumhārā tajraba kyā kah rahā hai
karoge phir kisī se dostī kyā

itnā bhī muḳhtalif nahīñ merā tumhārā tajraba
jaise ki tum muqīm ho aur kisī jahān meñ

ḳhudā gavāh faqīroñ kā tajraba ye hai
jahāñ ho sub.h tumhārī vahāñ na shaam karo

ye tajraba huā hai mohabbat kī raah meñ
kho kar milā jo ham ko vo pā kar nahīñ milā

'bāsir' tumheñ yahāñ kā abhī tajraba nahīñ
bīmār ho? paḌe raho, mar bhī ga.e to kyā

yuuñ to hañste hue laḌkoñ ko bhī ġham hotā hai
kachchī umroñ meñ magar tajraba kam hotā hai

sunā hai kaliyāñ chaTaktī haiñ muskurāne se
ye tajraba hī sahī muskurā ke dekho to

zinda rahne kī mujh ko aadat hai
roz marne kā tajraba hai mujhe

mujhe kyā tajraba kam pāniyoñ kā
ki merā shauq hai gahrā samundar

safar meñ ab ke ajab tajraba nikal aayā
bhaTak gayā to nayā rāsta nikal aayā

hai 'robīna' kā tajraba ye barābar
ki uljhā huā zindagī kā safar hai