Tags-Shikwa

saiñkaḌoñ nasloñ kī mehnat ne sañvārā hai ise
terā shikva bhī bajā merī shikāyat bhī durust

tere har ġhamze kī tah meñ hai banāvaT kā shikva
jis ke aage sar-ba-sajda ma.asiyat ke dasht-o-koh

koī shikva koī gila de de
mujh ko jiine kā hausla de de

vafā-shi.ārī hai jāñ-nisārī hai uzr-e-shikva na arz-e-matlab
hamīñ haiñ ik be-nazīr tālib harīf jo hai vo yak-fanī hai

zabt kī had se guzar kar bhī duā kartā huuñ
shikva-bar-lab huuñ magar jazba-e-tāmīr ke saath

jaur kā shikva na karūñ zulm hai
raaz mirā sabr ne ifshā kiyā

ḳhatm hone ko hai qissa-e-zindagī ab hameñ aap se koī shikva nahīñ
Tal na jaa.e kahīñ maut aa.ī huī pursish-e-ġham kī zahmat na farmā.iye

bisāt-e-sākit se koī shikva
na shātir-e-vaqt se gila hai

shikva jo be-naukrī kā karte haiñ nādān haiñ
aap aaqā hai kisī kā jo koī naukar nahīñ

rahbaroñ se shikva hai
shauq se ḳhafā hote

ye to kal-yug hai kharā is meñ nahīñ haiñ koī
mujh ko shikva nahīñ sikke mire khoTe nikle

kaisā shikva kaisī shikāyat dil meñ yahī socho 'jāved'
tum hī ga.e the us kī galī meñ vo kab tum tak aayā thā

shikva gar kiije to hotā hai gumāñ taqsīr kā
har jafā se baab khultā hai nayā ta.azīr kā

yāroñ kī totā-chashmī kā āḳhir itnā shikva kyuuñ
'rahbar' tum bhī kab muḳhlis the ḳhud apne ahbāb ke saath

us ne sau baar haal pūchhā 'arsh'
shikva lab par na ek baar aayā

kareñ kyā un se shikva jo kisī ke dil jalāne ko
faroġh-e-garmī-e-hañgāma-e-mahfil samajhte haiñ

bolā cigarette ki bashar shikva-kunāñ haiñ tere
dar-o-dīvār pe paīkoñ ke nishāñ haiñ tere

dastūr hai guzārish-e-ahvāl-e-vāqa.ī
qānūn ye nahīñ hai ki shikva na chāhiye